توجه الإعلامي معتز مطر - المذيع قناة الشرق التي تبث من تركيا - بالاعتذر إلى أسرته ، وذلك في أعقاب القبض على شقيقه لاتهامه بإصدار شيكات بدون رصيد. وقال "مطر" : "الخبر اللي بيتصدر كل الوكالات المصرية الوطنية الشريفة هو خبر القبض على شقيق الإعلامي معتز مطر .. اللي عليه شيكات ، والخبر اللي نزل بصيغة واحدة على كل المواقع .. سطر عن العشرين قضية بتوع أخويا و باقي الصفحة عن تاريخي الأسود والأحكام اللي حصلت عليها لأني عايز أقلب نظام الحكم" بحسب تعبيره. وأضاف: "بعتبر التمن اللي بتدفعه أسرتي تمن واجب السداد زيها زي بقية الأسر المصرية أو حتى أقل ، زيها زي أسرة الدكتور عصام سلطان والدكتور باسم عودة وعلاء عبد الفتاح ومالك عدلي ، واللي بيجرى على الناس بيجرى عليهم هي لله واحنا مش احسن من حد ". وأردف: "خبر القبض على أخويا الحاجة الوحيدة اللي صحيحة فيه أنه اتقبض عليه بالفعل إنما الباقي كدب في كدب ومش هرد عليه ، ولا هحكي الحكاية من أولها لأن الحكايات كتيرة وأنا ساكت .. أنا حبيت اعتذر لأسرتي لأن كل اللي حواليا أتاّذى بصورة أو بالتانية .. أنا آسف القبض على أخويا مكانش أول حاجة وبعتذر تاني لكل أسرتي اللي محدش منهم أتخلى عني لكن صدقوني وسامحوني معنديش بديل لكني مقدرش أكون عبد غير لله لأني مكمل " بحسب تعبيره.