قال عبدالله غراب رئيس شعبة المخابز بالاتحاد العام للغرف التجارية، إنه كان من أصحاب مبادرة خفض سعر الرغيف، مرددا: «لما وجدنا الأسعار نزلت اتفقنا وزملائي وعملنا اجتماع وقلنا لازم يبقى في انخفاض في سعر الخبز الحر». وأضاف غراب، خلال مداخلة هاتفية ببرنامج «كل الزوايا»، المذاع على قناة «أون»،:«وصلنا لرؤية إن في رغيف 80 جرام كان بيتباع ب2 جنيه، بقى بيتباع ب جنيه ونصف، ورغيف 40 جرام ب 75 قرشًا، وال25 جرامًا ب50 قرشًا، الفنيو 35 جرامًا سعره جنيه بدلًا من جنيه ونصف، وال70 جرامًا 150 قرشًا». وتابع: «نلتزم في كل مخابز جمهورية مصر العربية، بدءا من يوم الأحد بالأسعار والأوزان المشار إليها». وحول صرف «العيش» بالأوزان وليس بالعدد، قال: «لازم يطلع بيه قرار وزاري وهنعرض تاني المقترح ده لأنه حقيقي مريح لكل الأطراف». وواصل: «وفي حال الشكاوى يتم التوجه لوزارة التموين إحنا مش في غابة وهيكون في تعاون في مسألة الرقابة».