سخر الإعلامي أحمد شوبير، حارس مرمى الأهلي ومنتخب مصر السابق، من أزمة إخفاء الكرات خلال مباراة الأهلي والزمالك التي أقيمت مساء الاثنين وانتهت بفوز الزمالك 2-1. وقال أحمد شوبير في تصريحات إذاعية صباح اليوم الثلاثاء: «الحقيقة دي الواقعة الأسخف في تاريخ الكرة، أسخف واقعة في تاريخ الكرة المصرية.. واقعة لم الكور وإخفاءها في مباراة القمة.. يا جماعة دي الدورات الرمضانية في شهر رمضان اللي فات محصلش فيها ده». اقرأ أيضًا: «العب من غير فذلكة».. سمير كمونة يوجه رسالة لمدافع الأهلي وأوضح شوبير: «هو ينفع يلموا الكور ويجمعوا العيال الصغيرة اللي بتبعت الكرات وجابوا الشنط اللي بيحطوا فيها الكور ودخلوها أوضة اللبس والناس في الملعب مش لاقيين كور، يعني على طريقة أغنية الراحل عدوية (عيلة تايهة تايهة يا ولاد الحلال) بس هنا (كورة تايهة يا ولاد الحلال)، وزي ما كان الراحل سمير غانم بيقول هي الكورة فين، هو ده كلام ده بيحصل في مصر في القرن ال 21». وأضاف شوبير: «أنا مش هقول الدوريات في أوروبا، لأ ده ما بيحصلش في الدوري الصومالي ولا الدوري اللبناني ولا الدوري السوداني ولا الدوري السوري.. أي دوري لا يمكن يحصل فيه كده».
