حرصت مصممة الأزياء، ريم العدل، على توجيه الشُكر لكل أبطال مسلسل «سفاح الجيزة»، الذي حقق نجاحًا كبيرًا. وكتبت ريم في منشور عبر حسابها ب«فيس بوك»، عن العمل: «النهاردة كان آخر حلقتين من سفاح الجيزة، رد الفعل بنسبالي من أول المسلسل مُبهر بس دايمًا مش بحب اتكلم غير مع نهاية العمل». وتابعت ريم: «سعيدة ومبسوطة سعادة لا توصف شكرًا أستاذ هادي الباجوري على ثقتك وإنك خليتني جزء من العمل ده.. شكرا فهمي صاحبي وأخويا وعشرة العمر كله شكرًا على إنك ممثل حقيقي ملتزم ومحترف وعمري ما تعبت في أي لحظة من أول مقابلة لفيتينج لآخر يوم تصوير». واستكملت: «شكرًا أستاذة ركين سعد على شطارتك واحترافك، اللي مش جديد عليكي بحبك من أول لحظة في واحة الغروب، وماتغيرتيش ثانية وبجد بستمتع بالشغل معاكي». وأضافت العدل: «شكرًا أستاذ باسم السمرة.. استمتعت بالشغل مع حضرتك.. شكرًا إنچي أبوسعود مش بس كممثلة، لا كسيناريست حاضرة معانا كل لحظة في التصوير، وأي معلومة ممكن نبقي محتاجنها في بناء الشخصية دايمًا موجودة». وأضافت: «شكرًا داليا شوقي على التزامك وشطارتك واحترامك.. بحبك وأنتي عارفة، شكرًا أستاذة حنان يوسف على كل حاجة كلام كتير قوي مافيش كلام يكفيه.. حب كبير يا أستاذة من سفاح المعادي، لسفاح الجيزة». كما أردفت: «شكرا ريم حجاب، شكرًا چيهان الشمشارجي، شكرًا جهاد حسام، شكرًا سارة خليل، عارفة أني عذبتكم كتير وتعبتوا معايا كتير.. شكرًا أستاذ صلاح عبدالله.. شكرًا أستاذة ميمي جمال». وكتبت في منشورها: «شكرًا المنتج طارق نصر، وكل كرو الإنتاج واحد واحد، مدير التصوير حسام حبيب شكرا على شطارتك وموهبتك بجد.. مهندس الديكور إسلام البنا بحد استمتعت بالشغل معاك ويارب أعمال كتير تانية تجمعنا». وأختتمت ريم العدل قائلةً: «وأخيرًا أحب أشكر طاقم العمل اللي معايا، إن ليهم فضل كبير في نجاح المسلسل وبالأخص أزياء المسلسل».
