كشفت النجمة مي عمر موعد عرض مسلسل "ولد الغلابة"، عبر صفحتها الرسمية بموقع التواصل الاجتماعي "فيس بوك"، قائلة: "كل سنه و إنتوا طيبين الحمد الله فركش مسلسل ولد الغلابة، بكرة إن شاء الله عرض أولي حلقات المسلسل علي أم بي سي مصر الساعه 8 مساءً .هتشفوني في دور فرح ، دور مختلف تمامًا عن أي حاجة عملتها قبل كده أتمني يارب يعجبكم و تستمتعوا بالمسلسل...شكرًا لكل فريق العمل اللي بجد تعبوا و عدوا بأيام كتير أوي صعبة و مجهدة علشان المسلسل يطلع للنور. الأستاذ صادق الصباح و الأستاذ أنور الصباح شكرًا علي ثقتكم و دعمكم ليا طول الوقت ... الأستاذ أحمد السقا بجد مفيش كلام يديك حقك علي قد احترامك و طيبتك و خوفك علي زمايلك و حب الخير ليهم. تواضعك وحبك لشغلك هو سر نجوميتك، حقيقي الشغل معاك إضافة كبيرة لأي ممثل ... محمد سامي أستاذي و معلمي شكرًا علي المجهود الجبار اللي عملته معانا كلنا، دايمًا الشغل معاك متعة فظيعة إنت بتخلي الممثل يصدق و يستمتع بكل مشهد بيعمله بكل تفاصيله ... علي قد التعب و المجهود علي قد ما هتوحشني فرح بكل تفاصيلها. أتمني يارب تتعلقوا بالشخصية زي ماأنا اتعلقت بيها و تعيشوا معاها مشوارها ال30 يوم الجايين، هستني رأيكم بعد عرض الحلقات". يذكر أن مسلسل "ولد الغلابة" بطولة كل من محمد ممدوح، إنجي المقدم، إدوارد، هادي الجيار، مجدي بدر، كريم عفيفي، طاهرة، عفاف رشاد، جلال الزكي، صفاء الطوخي، هبة مجدي، ريم سامي، عبدالرحيم حسن، فايق عزب، و من تأليف أيمن سلامة، و إخراج محمد سامي.