عم حزمبل رئيس ؟؟!!!! ........ بتاع سعاد حسني اللي احنا عارفينه ده ؟؟!!! أيوه عم حزمبل رئيسا للجمهوريه........... هو بتاع سعاد حسني مش حد تاني و لا أنا بقول كده على حد شبهه هو عم حزمبل ...تا تا تا.... فاعل خير... تا تا تا .... دايما احب أساعد الغير . من غير استغراب ماله عم حزمبل إيه عيبه ماهو راجل مصري وأكيد وطني وأكيد يعني معندوش اجندات خارجيه ولا بيلبس حظاظه ماسونيه ولا بياكل كنتاكي وأكيد أكيد مش متجوز اجنبيه هو يعني لو كان متجوز اجنبيه كان هيبقى سريح على عربيه ؟؟؟؟ مكان زمانه ساب البلد وهج زي غيره دي كانت حتى تبقى سهله عليه . وإن جينا من ناحية الاخلاق الراجل عبر عن نفسه وقال أنا فاعل خير دايما احب أساعد الغير وإن قولنا ده كلام بس.... لا الرجل كان طول الوقت واقف جنب سعاد حسني ومسابهاش أفتكر كده .......... يعني الاول حققلها حلمها انها تكبر وتعرف الكبار عايشين ازاي وبيحبوا ازاي ولما راحت عند الناس الوحشين اللي كانوا هيشربوها حاجه اصفره جه عم حزمبل ولحقها شوفت بقى انه راجل جدع وشهم وبيتصرف عملي مش بتاع كلام والراجل برضه استخدم الحيله عشان يلحقها راح قالها وبكل صراحه اليوم خلص ها إيه رايك يبقى مانختاروش ازاي رئيس !!!!!!! أنا بقى هختاروا رئيس لسبب واحد ماهي مصر يا جماعه دلوقتي عامله زي سعاد حسني في صغيره على الحب اللي مرة واحدة لاقت نفسها كبيره وعايزة تجرب الحب أهِه مصر دلوقتي فجأه وفي 18 يوم بس لقيت نفسها في فيلم صغيره على الديمقراطيه وبدأت تتخبط الاول في هوجة بحر الديمقراطيه والتغير وزي العرايس اللي كانوا قاعدين على البحر بيدوروا على اللي غدر بيهم برده ولاد مصر اتغدر بيهم سواء بقناصه أو بلطجيه أو عربيات ديبلوماسيه كانت أو مطافي أو مدرعات . وبعد مابدأت تحاول تفوق راحت للناس الوحشين اللي عايزين يضيعوها ويدخلوها في دوامه ملهاش نهاية زي الفتنه الطائفيه ومين احسن من مين وهنختار مين رئيس . بس الفرق بين مصر وسعاد حسني ان سعاد حسني كانت فعلا صغيره ومستعجله انما مصر كبرت بس اتغصب عليها انها تعيش صغيره عشان كده ادراكها هيبقى احسن من سعاد حسني بكتيييررررررررر ر . وعشان مصر في ظروفها شبه سعاد حسني في صغيره على الحب يبقى لازم كلنا مش بس الرئيس يبقى عم حزمبل نفضل جمبها ونحميها لغاية ماتكبر و تقدر تعتمد على نفسها لوحدها . عارف تحميها ازاي .... بلاش تسيب الجوهر وتدور على التفاهات يعني بلاش ندور احنا هنروح الاستفتاء على التعديلات بالبطاقه ولا بكارنيه الجامعه وإنت اصلا مش عارف التعديلات دي حاجه حلوة ولا وحشة ولا هتقول عليها آه ولا لأ , بلاش تمشي ورا كلام الناس اللي بيتقال عن أي حد منغير ماتتأكد من الكلام الاول ,بلاش تختار رئيس لمصر عشان شكله من النوع المألوف وعشان انت عارفه وعشان انت مكسل تعرف شخص تاني ممكن يكون احسن لدرجة أنك ممكن تنسى بلاوي للي انت عارفه زي ماعملنا مع المخلوع فاكر مكناش بنسمع غير البق اللي مالوش لازمه اللي نعرفه احسن من اللي منعرفوش . من الاخر أنا مش عايزة اللي يحكمني يبقى واحد حلو ببدله ودبلوماسي عشان يضحك على مصر بحاجه اصفره ويوديها في داهيه ولا عايزاة يبقى كلامنجي وبق كبير يحكيلها حكاية البلبل ويدخلها بلاوي سوده أنا عايزاة حزمبلي الأخلاق وبسيط وشفاف وصادق زي عم حزمبل ويبقى فعلا فاعل خير ويتعامل معاها بحب مش عشان عاوز من وراها حاجه ..... إلى كل عم حزمبل لو سمحت اترشح في الانتخابات وخليك بسيط وصادق وشفاف واللي هيخليني احكم عليك هو برنامجك الانتخابي إلى كل واحد بتاع مناظر وكل واحد كلامنجي بق ارجوك مترشحش نفسك وريحنا وكده ولا كده هنعرف أنك كالامنجي أو مالكش لازمه من برنامجك الانتخابي . لكل الناس بقى اللي مش هترشح نفسها وهتلعب دورها الطبيعي وهتكون الشعب ابوس اديكم ماتحكموش على حد من غير برنامج انتخابي حتى لو كان ملاك احنا شوفنا سعاد حسني كان هيحصلها إيه بسبب المناظر الخداعه.
