نشر الكاتب الصحفي عبد الرحيم على، رئيس تحرير موقع "البوابة نيوز" ومقدم برنامج "الصندوق الأسود"، على قناة "القاهرة والناس"، أداءً صوتيا لمكالمة بين الرئيس السابق محمد مرسي ومدير مكتبه أحمد عبد العاطي 22 يناير 2011؛ أي قبل ثورة يناير بثلاثة أيام والتي جاءت كالتالي: محمد مرسي: طب بالنسبة للي حصل هنا. أحمد عبد العاطي: هم شايفين الحدث لكن مش عارفين يقولوا اعملوا إيه. محمد مرسي: طيب مين اللي عمل ميعرفوش؟ أحمد عبد العاطي: لأ ماقلش حاجة زي كده. محمد مرسي: مش عارفين يعني أو عارفين ومابيقولوش. أحمد عبد العاطي: ممكن طبعا هما مش عارفين دي صعبة، خاصة إن كلهم بيتكلموا مع بعض لكن مين تحديدًا ماتطرقش. محمد مرسي: يعني لغاية دلوقتي هما في الاتجاه بتاع دراسة حقيقية ما وقع اليومين دول ويعملوا ايه بعد كده ماعندهمش حاجة. أحمد عبد العاطي: بس أنا أظن إن على يوم 10 هيكونوا وصلوا لحاجة لأنه هم هيهدوا نفسهم الفترة دي عقبال ما يدرسوا. محمد مرسي: واضح إنهم استشاري واستشاري ضعيف كمان يعني في استشاريين غيرهم يعني دول لو شغالين في مشروع وهم مستشارين ضمن مجموعة مستشارين كتير وخلاص. أحمد عبد العاطي: أه طبعًا. محمد مرسي: وليسوا فاعلين، هو بيقدم وجهة نظر وخلاص، هو عندك مهمة بيتكلف بيها وهو من خلال علاقته بيقوم بالدور ويستطلع ويكتب اقتراحات كاستشاري، وفي عشر جهات أخرى زيه شركات أو غيره بيعملوا تقارير زيها أو مختلفة، واللي يبص على الصورة بيشوف الخطوات اللي ممكن يعملها بناءً على الاقتراحات المختلفة اللي جاية واضح إن الكلام كده.. أحمد عبد العاطي: أظن ذلك، ولكن إذا كانت هذه القناة الوحيدة اللي فتحينها في اتجاه ناس هم يرون أنهم هم يمثلون مستقبلا قريبا. محمد مرسي: لأ أنا متأكد إن في عندهم قنوات تانية عبر عبد المنعم وفرقته. أحمد عبد العاطي: لا أظن. محمد مرسي: مش اللي قابلوك دول؟ أحمد عبد العاطي: فاهم مش متخيل كده ممكن يكون عندهم علاقات فردية ماشي بس معندهمش حاجات صلبة بهذا الشكل. محمد مرسي: خلاص إحنا ماشيين في الموضوع ولكن واضح إنهم أولا مش فاعلين، ثانيا حتى وجهات نظرهم الله أعلم بياخدوا بنسبة قد إيه.. احنا عندنا مشكلة حقيقية هنا، هو عمال يقولك إيه رأيكم ولكن احنا عندنا مشكلة حقيقة ودي ممن تكون أسوأ بكتير في نتايجها من اللي حصل من عشرة أيام.. إحنا دلوقتي فى مفترق طرق والوطن كله كده، لأنك بتتكلم في تعداد قد إيه وموقع شكله إيه، وضغط أكتر من التاني بكتير كان يعني إذا تنفس ونفسه حيطير الغطاء حتى ولو كان عند الملتقين، ما هو الملتقين برضه عدد كبير وبعدين الناس لما تبدأ خطوة ويبقى في ضحايا مابتفرقش وخلاص، لأن الضحايا لو كانت من الرموز كان يبقى مشكلة لحاجات كتيرة جدا بعد كده قد تؤدي إلى نوع من أنواع القلق شويه لكن بعد كده تؤدي إلى نتيجة مختلفة عن اللى موجود دلوقتي دي الحسابات بقى هو دلوقتي بيلعب على صغير كده امبارح بالليل استدعى معظم الناس المسئولين في الفروع ورسالة واحدة وكلام جرى بجد إن المطالب بتاعتكم إحنا شايفنها إنها لكم حق فيها رغم إن إحنا مش في إيدينا القرار ولكن جات لينا أخبار من بارم ديله اللي فوق إن في ناس جايين من الخارج هيندسوا في وسط التجمعات وهيعملوا عمليات إرهابية واحنا علشان كده خايفين عليكم وعلى الناس، وبالتالي لن نسمح بأي حاجات في إطار ده تقف في أي حتة وإحنا بنقولكم عشان انتوا تهمونا دي رسالة واحدة لكله على المستوى الجغرافي وده كلام بتاع واحد محتار مش عارف يعمل إيه وعمال يقلب الأمور على كل جوانبها لكن هو نوع من أنواع تمرير رسالة فيها رائحة تهديد وقلق، لأن هو بيستنفد الأسهم بتاعته، ده اللي في جعبته لما تيجي تفكر لكن هو دلوقتي إحنا عندنا يوم الثلاثاء طلبات مطلوبة منا واحنا لسه مارديناش على دول ولا دول سواء الشباب بتاع الفيس بوك أو إن القوى الوطنية عاوزة تقف يوم 25 أمام دار القضاء تبلغ رسالة بالمطالب وسألونا واحنا قلنا احنا من حيث المبدأ احنا بنمشي مع بعض واحنا أعلنا عشر مطالب تحبوا تاخدوهم تضيفوا عليهم.. إحنا في السياق العام قبل كده كنا قلنا ساعة سنة 94 قلنا 14 مطلب، وهي كلها في إطار واحد، وأنا كنت مهدت لده في حديث للكلام اللي هيجي باسم الجماعة بعد يومين تلاتة ويوم الثلاثاء قلنا إنه إحنا من حيث المبدأ هنتحرك مع بعض، ولكن لسه مأخدناش قرار لا مع ده ولا مع ده، وهم يظهر حسوا وبيراقبوا وحبوا يبلغوا رسالة استباقية علشان لو كان في أي نوع من أنواع الشك أبقى شديت المنافستوا وقلتلهم ده معناه إن هو مش حيعمل حاجة من اللي أنت بتطلبه، هو بيفكر في المكرونة والرز وخلاص. أحمد عبد العاطي: أنا تخيلي إن هو هيعمل في سكته، أنا تصوري إن هو مش هيستجيب لأي خطوات تحقق مكاسب للآخرين؛ لأن أي مكسب سيفتح شهية الناس وسيجعلهم يكملوا لنهاية ما يريدوه ونهاية ما يريدوه هو الزوال مثل زوال الآخرين. محمد مرسي: وإحنا لازم كده واحنا بنفكر من الناحية التانية. أحمد عبد العاطي: هي الفكرة لو ده التحليل طيب إحنا شايفين الموضوع رايح لغاية فين، وأنا اتكلمت مع الناس اللي كانوا هنا إحنا اللي على المحك دلوقتي، وخطواتنا هي اللي هتكون الأساس اللي هيغير الكفة، وهو علشان كده بيتكلم معانا احنا مش بيتكلم مع آخرين، وبالتالي احنا عندنا مساحة الآن قد لا تكون كبيرة لأن هو لو تعدتنا الأحداث قد يكون استدراكها من الصعب وايقافها أصعب ولكن زي ما احنا بنقول احنا لن نكون صناع الموضوع لكن سنكون معه من بداية المشهد بشكل إن احنا نحدده بالشكل اللي نراه، ولكن أنا شايف إن أي حاجة بتم لا نغيب عنها طبقا لضوابطنا وهو بيتعامل معاها بالشكل اللي هو عاوزه. محمد مرسي: عاوزك وأنت بتفكر مايغبش عنك إن أحنا في مرحلة المجتمع، وأن أي حركة يكون هدفها الأساسي تقريب الأزمنة علشان ماننقلش نقلة وتبقى هوجة ويركبها مين ولا مين والشابب يستجيب والحاجات يبقى فيها مهيصة احنا زي ما قلت لك في نفق ضيق، لأنه إذا أدت الأحداث إلى الانتقال عبر مراحل ماهياش مخطط لها جيدًا في منهج التغيير بتاعنا اللي احنا كنا شايفين إن هو ده الأجدى في أي شيء يبقى احنا خسرانين أكتر منه كسبانين. أحمد عبد العاطي: صحيح بس هو أي اتجاه إحنا بنتحرك فيه بيقول إن هذا السيناريو قائم لا محالة بمعنى إيه أن في شكل تغير هيحصل سوء من خلال الضغط. محمد مرسي: أه بس نسبته قد إيه هو ده الكلام. أحمد عبد العاطي: أو من خلال إن الإطار نفسه انفك وأنا في نفس المرحلة اللي أنا بشتغل فيها علشان أحقق أهدافي لابد زي ما قلنا في عام 2005 لابد أن يكون لنا مكان وأن أي حد يجي مدى قربه أو بعده منا يبقى عامل حسابه إن في هناك رقم صحيح كبير وإن له أحقيات بيحطه في اعتباره وهو بيتحرك وإذا كان ده الاستنتاج لابد أن يصل إلى الجميع سواء اللي بيقف جنبي أو اللي بيقف أمامي إنما أنا كده كده متحرك. محمد مرسي: خلاص بس وأنت بتدرس التاريخ لازم يبقى الكلام واضح كتير عن عام 2005 اللي أوجد تبعات حرية الانتخابات في المرحلة الأولى ونصف الثانية هو المظاهرات اللي كانت في شهر "5". أحمد عبد العاطي: بالظبط إحنا الآن في سيناريو مكرر ولكن تحت قنبلة دخان عنيفة جدا والناس كلها بتوصف وبالتالي لو ماخدناش أكبر قدر من المكتسبات خلال الفترة دي مش هناخده تاني. محمد مرسي: الناس دول مافيش عندهم أي نوع من أنواع المعلوماتية عن الحالة هنا في الإطار اللي احنا فيه دلوقتي. أحمد عبد العاطي: أكيد عندهم لكن قد لا يكون هؤلاء وإحنا ممكن نفكر بطريقة مختلفة منه هو الذي يمثل يعني من ضمن التفكيرات التي فكرت فيها ليه لما لا يكون من الآن أن يكون قناة تتكلم عن المستقبل. محمد مرسي: عبر الأطلنطي ولا إيه. أحمد عبد العاطي: لا هنا هنا.
