أعربت الإعلامية منى عبد الغني عن رفضها لفكرة الصداقة بعد طلاق الزوجين، وقالت: "لو في صداقة خلال الزواج كانوا هيكملوا، بس لازم يكون في علاقة متحضرة إحنا في خلاف في الآراء لكن مش طول الوقت، وربنا قال ولا تنسوا الفضل بينكم مش بس في الجواز لكن في الشراكة والصداقة، لما نختلف نختلف بأدب لأن في وقت بينا جميل جدا، فلما نيجي نسيب بعض مننساش الفضل والأطفال اللي لازم نفسيتهم تكون طبيعية إلى حد ما". وأضافت الإعلامية مروة جاد الله التي تشارك في إدارة حلقة اليوم من برنامج "الستات مايعرفوش يكدبوا" المذاع على قناة "سي بي سي"، "لازم يبقى في شوية وده يسمح للأطفال يكملوا حياتهم بشكل طبيعي نوعًا ما، وده وضع المثالي مش موجود في الواقع". وتابعت مروة جاد الله "أنا شايفة أن فكرة الصداقة بين الراجل والست في مجتمعاتنا الشرقية فيها لسة مشاكل مش كل الناس بتفهمها وتتقبلها صح وبالتالي مفهوم الصاقة نفسه به مشكلة، وما بعد الانفصال في معظم الحالات في المجتمع العربي مببيقاش في صداقة لأسباب كثيرة، وأحيانا بيكون في عداء أو حالة حياد لا صداقة ولا عداوة".