شعبان عبدالرحيم : أنا مش واطي.. وهصبر عليك سنة يا مرسي القاهرة - أحمد التوني نفى المطرب الشعبي المصري شعبان عبدالرحيم ل Gololy أن يكون غنى لجماعة الإخوان المسلمين، مؤكداً أن لا علاقة له بالأغنية التي نسبها البعض له وانتشرت على مواقع التواصل الاجتماعي، وتقول كلماتها: «يا مهاجم الإخوان.. هتروح من ربك فين، مالقوش في الورد عيب.. قالوا يا أحمر الخدين». شعبان أوضح أنه لم يغازل الإخوان بأغنية، وقال في حوار خاص لGololy: «أقسم بالله ما حصل لأن كلمات الأغنية دى مش بتاعتى، وأنا عمري ما سمعت عنها ولا شفتها ويظهر أن الناس قاعدة تلفق وتخترع الكلام على لساني وخلاص، لأني عمري ما غنيت للإخوان، وأنا مش من بتوع ركوب الموجه». المطرب الشعبي كشف عن أنه يشك في أن يكون شخص إخواني هو من روج لهذه الأغنية ونسبها له كدعاية للجماعة، وأضاف: «الناس بتقول أي كلام والسلام ودي مش أول مرة يتلفق الكلام على لساني ويظهر أن الناس بتستغل أني طيب ومش فاضي انبش وراهم ومش متابع الكلام ده، وبيتكلموا على لساني ودي دعاية للإخوان، وحاجة في صفهم، لأن أي حد يدخل يقرأ الأغنية يساند الإخوان، لأن شعبولا مساندهم وبصراحة حاسس أن اللي عمل كده حد إخواني عشان يصيت للإخوان لأن أي حد أنا غنيت له اسمه بقى فوق». شعبولا أوضح أنه على موقفه في تأييده للسيد عمرو موسى رغم خسارته في انتخابات الرئاسة، مشيراً إلى أنه عندما غنى لموسى لم يكن يحتاج لدعاية له، لأنه شخص «متصيت، والكبير كبير» بحسب تعبيره. أما بخصوص غناء نجله عصام للفريق أحمد شفيق المرشح الخاسر في انتخابات الرئاسة فقال: «عصام كان شايف أن شفيق الأحق والأصلح بس مفيش نصيب، وفى النهاية أحنا لازم نقف كلنا مع الرئيس حتى لو مكنش من اختيارنا لأنه رئيس مصر». «فلول» كلمة تثير غضب شعبولا الذي دافع عن نفسه وعن ابنه من تهمة أن يكونوا من «فلول النظام السابق»، وقال: «أيام مبارك مكنش حد قادر يتكلم وكلمة فلول أنا فهمت أنها بمعنى أي واحد استفاد من النظام السابق، وده غلط لأن كل المصريين عاشوا في النظام ده وخسروا واستفادوا». عبدالرحيم بعث برسالة عبر Gololy للرئيس محمد مرسي قال فيها: «عايز أقول للرئيس مرسي شفلنا حل في مشكلة الكهرباء والمجاري عشان في رمضان زادت على الآخر»، ولفت إلى أنه قد يغني لمرسي في حالة: «لو أثبت كفاءته، وأنا راجل مصري زى أي حد أكيد هحبه لو عمل حاجات كويسة وأغني له وأعمل أي حاجة وهنصبر ال 100 يوم زى ما هو قال وبعدها يحلها الحلال ومستعدين نصبر سنة كمان». وعن رأيه في الحكومة الجديدة بقيادة د.هشام قنديل قال شعبان: «زي ما هنصبر على رئيس مصر أكيد هنصبر على رئيس الحكومة بس بصراحة مش عايزين الفترة تطول لأن الناس زعلانة من موضوع الكهربا والمية ولسه الانفلات الأمني والأحداث الطائفية موجودة وربنا يستر». خبر وفاة نائب الرئيس المصري المخلوع عمر سليمان كان من الأخبار التي أحزنت شعبان عبدالرحيم كثيراً الفترة الماضية، وبرر ذلك قائلاً: «الراجل ده كان وطني بجد، والناس كلها عارفة أنه كان من أقوى رجال المخابرات، ومش بشهادتي أنا ولا غيري ده كان بشهادة أعدائنا الإسرائيليين والأمريكان، والكلام ده عرفناه من على لسانهم هم». المطرب الشعبي أعرب في حواره مع Gololy عن تفاؤله من مستقبل مصر في عهد الرئيس مرسي، وقال: «الناس متفائلة بالإخوان وبيقولوا أنهم كويسين ويعرفوا ربنا والرئيس وعد بأنه هيحل المشاكل الخاصة بالزحمة والمرور ومشاكل الغاز والعيش ووعد بمشروع النهضة، وبصراحة أحنا صبرنا على مبارك ثلاثين سنة مش هنصبر على الراجل الطيب ده حتى سنة». وفي الوقت الذي أعرب فيه شعبان عن إعجابه بمسلسل «الزوجة الرابعة»، وبأداء بطله الفنان المصري مصطفى شعبان، شدد على أنه لا يؤيد فكرة تعدد الزوجات، وبرر ذلك قائلاً: «اللي بتتجوز كتير ده مفتري، ممكن ربنا يديك واحدة بس لكن تبقى أفضل من عشرين، وتجبلك عيال وتخدمك وتكافح معاك لأن الحكاية مش بالكترة لأن العدد في الليمون». شعبولا أكد أنه لن يفكر في الزواج على زوجته وأم أبنائه، وأضاف: «مستحيل لأن خلاص أحنا كبرنا وجوزنا عيالنا، وكمان أتجوز على أم العيال اللي وقفت جنبي وقت ما كنت عايش في أوضة فوق السطوح، وقبل ما أكون مغني مشهور حتى أبقى واطي».
