النهاردة حقيقى حزن النهاردة مش هنعزى حد خلاص العود اشتد كلنا نفس الراجل كلنا حمام زاجل نفسه يعيش كلنا نفس الشعب نفس الشرطة نفس الجيش نفس الفريق احنا اللى عضمنا طيب من النهاردة بقينا حراس الطريق ضد سماسرة التفريق من النهاردة اللى نفسه يضيق يهتف يا شهيد يا شهيد يا رايح قبل العيد بكام يوم كل الأرامل بتبكي إلا ارملتك قاعدة تحكي إلا ولادك هما اللى بيعزوني وبيسندوني اقعد واكتبلك كلمتين انا بين نارين وأنت زمانك دلوقتى ف الجنة بترتل الشهادتين وأنا ف عينيا دمعتين وبعلى صوتى بالبكا وبقول النهاردة .. حقيقى حزن وسام صدفاوي