فيديو طفل فلسطيني عجوز كل طفل بيتولد صرخته بتحضن بكاه واحنا لما بنتولد صوتنا بيرج الحياة صوت ميعرفش البكا وهو البكا برضو يجوز لما اكون طفل فلسطينى عجوز من وانا لسة فى رحم امى عارف مصيبة الاحتلال عارف بانى اما اتولد لازم هشيل حمل الرجال لازم هقف..واقولها حى على الجهاد..ولا ارتجف معادش ينفع حاجة غير انى انتفض معادش ينفع انى اكون زى العيال فتحت عينيا على الدنيا ربطت كف الموت فى قلبى وخدت عهد م الساعة دى كل حاجة هتبقى جد لازم يا اقصى هرجعك واحط اللى بيوجعك 100 الف حد لازم اذانك ينتفض لازم خضوعك يترفض لازم نصد لازم تنام مرتاح فى حضن القدس واهلها لازم دموعك لما تنزل تلقى الايدين بتمسح قبلها كااام مجزرة فى ارض من ستين سنة مستعمرة كانت فى بادى الامر طارحة مخضرة دلوقتى اينة حزينة ساكتة مصحرة وكل العرب ..كل العرب ساكتين نيام والحل عندهم الكلام قالوا الدعاء بيفك كرب واحنا بنتمنى السلام ازاى وبينهم صعب قرب والحلم ممنوع فى المنام ازاى سلام وام الشهيد دمعتها بتسيل شلالات ازاى واخويا فى ارضه مات اقول بانى مشتاق للحياة وانا كل يوم بستنى فرقة الممات كان نفسى انزل يا وطن وسط الطريق العب بكورة مع صحابى اتنين فريق كان نفسى اصحى الصبح اروح المدرسة كان نفسى ام تكون فى بيتنا وام تبقى مدرسة كان نفسى ارسم العلم فوقك يا اقصى فى عيد جلاء كان نفسى اصلى العيد فى حضنك عادى مش كتر اشتياق كان نفسى بيتنا يعيش شوية واخويا فيه مش لما اروح وارجع الاقى البيت فوقيه كان نفسى انام كان نفسى انام كان نفسى مشوفش فرحى متصاب من سهم مفلوت الزمام كان نفسى اضحك فى الكلام كان نفسى انى ابقى حر والمس شروق حلمى فى طلعة كل فجر كان نفسى اعيش ولا مهوش من حقى حتى انى اعيش ليه شمس الحياة غايبة واطواق النجاة سايبة اللى صحيح محتاج لها انا نفسى بس اوصلها واشبك ايدين وطنى فى اول طرفها جايز يعيش جايز تشوف بدال ما هيا مشيفانيش جايز عضام الحلم تكسيها بريش جايز انااااام حتى لو النومة الاخيرة بس نومة والسلام الاقانى مرتاح بعدها لانى لما نمتها سبت الوطن مزروع فى احضانه السلام سبت العرب ماسكين اوى فى ايد بعضهم بالحب مش كتر الكلام والقى اللى جاى بعدى خلاص هيبقى طفل زى ما طفولته تعوز مش هيبقى زى انا مولود عجوز