برنامج "حياة كريمة" شال الحمل عن بائع البطاطا واشترى جهاز عروسة لابنته.. ويهدى بائعة أقلام 50 ألف جنيه.. وتؤكد: "بساعد فى طلبات البيت أحسن ما أقول لحد ادينى وربنا بيراضينى ولو بالقليل وانتو شيلتوا الهم عنى"

فى لفتة إنسانية من برنامج "حياة كريمة" الذى يقدمه أيمن مصطفى على قناة dmc، اشترى جهاز عروسة لابنة بائع البطاطا، وقال مقدم البرنامج لبائع البطاطا :"عاوزين نفرح بيها وهتعزمنا على الفرح".
وخلال الحلقة اصطحب أيمن مصطفى البائع لمحل أجهزة كهربائية واشترى له الأجهزة الكهربائية التى تنقصه من مؤسسة حياة كريمة وقبله وأدخل الفرحة على قلبه.
وفى حلقة الجمعة 15 مارس التقى برنامج "حياة كريمة" ببائع بطاطا، والذى قال: عندى 4 أبناء والحمد لله الدخل مقضينى ومبسوط، ومبشتكيش غير لربنا وهو اللى بيسترها معايا، أنا ساعات بقعد هنا سنة مبروحش، ومعنديش غير ستر ربنا والعربية وأولادى".
وأهدى مقدم البرنامج أيمن مصطفى 500 جنيه للبائع مقابل شراء البطاطا، والذى فضل الأول أن الأول أن يترك البضاعة له، ومن جانبه بكى البائع فرحا وقال :"ربنا كبير كنت محتاجهم عشان أجهز بنتى".
https://web.facebook.com/watch/?ref=embed_video&v=1566026693962101
وخلال الحلقة مر عليه رجل مسن من فريق البرنامج يبيع فوانيس صغيرة وطلب منه المساعدة، فأعطاه بائع البطاطا جزء بسيط من المبلغ الذى حصل عليه من البرنامج وقال له:"قول يارب كله من عند الله، وتعالى بعد صلاة العشاء وهديك تانى من اللى يرزقنى به ربنا".
وأهدى أيمن مصطفى ميدالية "حياة كريمة" لبائع البطاطا وذلك لمساعدة رجل مسن طلب منه مساعدة، كما أهداه 30 ألف جنيه، من أجل تجهيز ابنته، فبكى بائع البطاطا من الفرحة، مؤكدا: مش عارف ده حلم ولا علم، أنا كدة مبسوط ومرتاح هم وانزاح من على قلبى وده من فضل ربى".
واقترب برنامج "حياة كريمة" الذى يقدمه أيمن مصطفى على قناة dmc، من سيدة تبيع أقلام على الرصيف، ليستمع منها حول كفاحها والسعى فى طلب الرزق، والتى قالت:" بيع الأقلام منذ 6 سنوات لأساعد فى طلبات البيت أحسن ما أقول لحد ادينى أو أمد إيدى، والعيشة عاوزة السعى والتعب عشان ألاقى ابنى حاجة كويسة بإذن الله".
وأكدت: "ربنا بيراضينى ولو بالقليل، وممكن حاجة بسيطة يكون فيها رزق وبركة، ولو روحت ب 20 جنيها بكون مبسوطة، والرزق بتاع ربنا، وأهم شئ يكون الإنسان راضى عشان ربنا يكرمه".
وخلال الحلقة دفع مقدم البرنامج 500 جنيه للسيدة وقال لها دى ثمن البضاعة ومش هاخدها واسترزقى منهم، وبعد مرور دقائق مر عليها رجل مسن من طاقم البرنامج وقال لها: "عليا إيجار الشقة ومش معايا ومكسوف منك، وفى الحال لم تتردد السيدة وأعطته 300 جنيه وقالت له :ربنا بيعوض ومسامحاك من قلبى ربنا بعتنا لبعض عشان يرزقنا من فضله وهو أحن علينا من أى حد والحمد لله ربنا ساترها معانا".
وتمنت بائعة الأقلام من الله أن تسعد أبنائها، ولا أتأخر عنهم فى شئ ويكونوا أحسن الناس، مشيرة إلى أنها مديونة ب 15 ألف جنيه، وأهداها البرنامج ميدالية أبطال حياة كريمة و50 ألف جنيه، مما أدخل على قلبها السرور ولم تستطع التعبير عن فرحتها إلأ أنها قالت الحمد لله ربنا بيكافئنى وكريم، والحمد لله شلتوا الهم عنى، وإن شاء الله هتبرع بمبلغ لوجه الله".