ذكرى يناير

أنا أتمنى أشوف الصورة
فى ذكرى يناير مش مكسورة
وأشوف الشعب وجوه مسرورة
شرطة وجيش حضنين ثوار
****
أنا أتمنى نعمر بكرة
نطوى الحزن فى يوم الذكرى
ولجل ما تكمل أجمل فكرة
لازم بعد الثورة عمار
****
لاستعجال ولا عند يفيدنا
لازم نبنى بلدنا بإيدنا
ولا نسمح فى الأرض بفتنه
تطفى الشمس وتشعل نار
****
أنا مُتأكد كل شهيد
هيشوفنا والإيد فى الإيد
راح يفرح وكأنه فى عيد
وروحه هترجع للثوار
****
أنا أتمنى تكون أمانيه
حقيقية فى يوم عيد الحرية
مش أحلام وتمرعلية
كا عتمة ً ليل يمحيها نهار
****
شدو الحيل يا شباب الثورة
وخلوا ما بين الكل مُشورة
تدعم حب وتمحى مؤامرة
بيدبرها غريب ع الدار
****
مش عايزين شك وتخوين
ولا نسأل من فاز على مين
ولا ننصر غير بس الدين
لجل الخير ما يزيد فى الدار
****
مش عايزين تشكيك فى حبيب
وعتاب لا يودى ولا يجيب
إقلب صفحة يا شعب مُهيب
نيلك ما بيرويش أشرار
****
عيد الشرطة وعيد الثورة
عيد واحد مش عايزه مُنورة
ودا شىء يحبط أى مؤامرة
ضد الأرض أو الثوار
****
أرفعوا راية النصر الحرة
ومهما الأيام كانت مرة
أثبتُ إن شباب الثورة
قادر ياخد أى قرار