"راجل و2 ستات" يناقش هل الستات بيفهموا الرجالة عن طريق العين.. أحمد صلاح حسني: الست بتستغل نقط ضعف الراجل أكتر منه.. شريهان أبو الحسن: فى رجالة برده بتستغل نقطة ضعف الست فى الغضب

ناقش برنامج راجل و2 ستات المذاع على قناة on، تقديم الإعلامية شريهان أبو الحسن، والفنانة هيدى كرم والفنان أحمد صلاح حسنى، هل الستات بيفهموا الرجالة عن طريق العين؟.

وقالت الإعلامية شريهان أبو الحسن: "على حسب العشرة والقرب ما بين الطرفين ممكن الراجل يتفهم عن طريق نظرات عينه.. والستات بتاخد مجهود أكتر عشان تفهم الرجالة.. والست بتبقى عارفه نقاط العف بتاعه الراجل".

وعلقت الفنانة هيدى كرم: "الستات معقدين أكتر وسعات الست مبتفهمش نفسها أساسا".

قال الفنان أحمد صلاح حسنى: "شايف الست بتستغل بمنتهى الصراحة ضعف الراجل أكثر منه.. ومش شرط تعايروا بيها ولكن بس بتستغلها".

وأضاف خلال برنامجه راجل و2 ستات: "وعلى فكرة مش ممكن تستغلها بطرق سلبية ولكن ممكن تستغلها لمصلحة ما".

وعلقت الفنانة هيدى كرم: "الست لما تكون شخصيتها أقوى ومتسلطة، ومتحكمة وفى أيديها السلطة المالية أكثر هتلاقى تتجراء أكثر لو ست مش أصيلة وتعايروا بنقاط ضعفه".

قالت الإعلامية شريهان أبو الحسن: "فى رجالة برده بتستغل نقطة ضعف الست في الغضب.. والست عانت بين أهلها واستخدم ده فى استغلال الراجل ضدها".

وأضافت خلال برنامجها راجل و2 ستات: "الست فى البيت هى اللى عارفة كل حاجة ريحة فين وجاية من فين.. لو علاقة غير صحية وغير سوية وفيها مشاكل ممكن الست تستغل نقاط الضعف ضد الراجل.. كمثال لو الراجل عنده مشكلة ما تفضل الست تفكروا بيها كل شوية والأغرب أن الراجل ممكن يستحمل ده".

وعلق الفنان أحمد صلاح حسنى: "الراجل أو الست فى بداية العلاقة ما بينها مش بيبينوا نقاط الضعف ولكن لازم يبين الراجل نقاط الضعف.. ولكن الراجل مش بيبين ده لأن هناك مشاكل تحدث بسبب هذا الضعف أو استغلاله بطريقة خطأ".

وعلقت الفنانة هيدى كرم: "العلاقة مش ممكن تكون سوية لو لما يكشف كل منهما نقاط ضعفهما لبعضهم البعض".