أمير كرارة: وأنا صغير كنت بحب على نفسى ومراتى هى حبى الوحيد

قال النجم أمير كرارة، أنا مش بحب القراءة ولكن بحب الحكاوي، حتى في سيناريو الأفلام والمسلسلات اللى بعملها بتتحكيلى الأول كذا مرة وبعد كده أقراها عادى مش مشكلة.
وتابع، خلال لقائه في برنامج "السيرة" مع الإعلامية وفاء الكيلاتى، المذاع على قناة dmc، صور دموعى في فرح أختى دى ولا حاجة، أنا حرفيا كنت عامل زى العيل الصغير ومكنوش عارفين يخلونى أسكت، لأن نورا من صغرها ملحقتش تشوف حنية أبوها ولا أمها وكانت بتبقى صعبانة علينا أوى رغم اننا كلنا حوليها
وأضاف، اختى مجنونة وعصبية شوية فنصحتها تهدى بقى وقلتلها هو كمان حافظ عليها لأننا كلنا تعبنا في البنوتة الصغير دى فخلى بالك منها وحطها في عينك، والصراحة هو شاب كويس ومحترم جدا.
وقال كرارة، وانا صغير حبي كتير أوى زى ما بيقولوا ماشى بحب على نفسى كل لما أشوف واحدة أحبها، ولكن لما كبرت حبى الوحيد هي مراتى وبموت فيها جدا، وأنا وعدتها أن عمرى ما أخليها لا هي ولا ولادى يزعلوا، وهافضل طول الوقت أقولها إنى عايش عشانكوا وبعمل كل حاجة عشان تكونوا عايشين مبسوطين.








برنامج السيرة
امير كرارة
وفاء الكيلانى
اخبار امير كرارة
امير كرارة اليوم
الموضوعات المتعلقة
أمير كرارة: عيطت لما والدتى جالها سرطان وكانت بتدعيلى أن ربنا يفتحها فى وشى
السبت، 07 نوفمبر 2020 12:28 ص
أمير كرارة: كنت بعاكس بنات وأنا صغير وجيبت 51% فى الثانوية العامة
السبت، 07 نوفمبر 2020 12:16 ص
أمير كرارة: بحب أغسل المواعين وكنت بشترى سجاير فرط وأنا صغير.. صور
السبت، 07 نوفمبر 2020 12:00 ص
أمير كرارة: كنت بلعب طايرة فى منتخب مصر ووالدى كان بيجيبلنا 50 بطيخة ناكلهم
الجمعة، 06 نوفمبر 2020 11:34 م