أخو هيثم أحمد زكى باكيا: قعدت معاه فى قبره 5 ساعات وحسيت بروحه وكلمته.. فيديو

التقت كاميرا اليوم السابع مع رامى بركات الأخ غير الشقيق للفنان الراحل هيثم أحمد زكى أثناء زيارته لشقيقه بمقابر الأسرة على طريق الفيوم وحاورته.


وقال رامى: "أنا موجود هنا فى مصر من أسبوع وجيت هنا المقابر بالليل ودخلت لوحدى قعدت معاه لساعات أحكيله.. وحسيت بروحه فجأة لأننا كنا قريبين من بعض جدًا وكأننا روح واحدة بقلب واحد.. واتكلمت معاه.. وبكيت شوية وضحكت شوية زى ما كنت بتكلم معاه وهو عايش بالظبط".

وأضاف: "الوقت عدى بسرعة رغم أنه كان كبير، ونمت جنبه لساعات، هيثم واحشنى جدا لأنه كان قدوتى وكل حاجة فى حياتى.. أنا مشوفتش والدتى لأنها توفت وأنا عندى 3 سنين فملحقتهاش بس لما بحتاج أشوفها كنت بجيب فيديوهاتها على يوتيوب واتفرج على لقاءتها التلفزيونية وعلى أعمالها الفنية.. أنا حبى ليها وهيثم أخويا كبير جدا".

وأردف: "كنا عيشين أنا وهيثم مع بعض فترة كبيرة لحد ما بعدتنا الظروف.. وده كان غصب عنى مش بإرادتى وسافرت بريطانيا كملت تعليم وشغل هناك وكنت بنزله مصر اطمن عليه وهو كمان كان بيجيلى هناك يطمن عليا، كنا كيان واحد بتجمعنا الطيبة وحبنا للناس".

واستكمل: "حياتى كلها اتهزت وقت معرفتى بوفاته وكأنه زلزال لأنه توفى وهو بعيد عن عينى تفصلنا قارات كان نفسى أكون جنبه وقتها بس هى مشيئة الله عز وجل وقدره ولا اعتراض على ذلك".

وبسؤاله عن رغبته فى التمثيل مثل شقيقه هيثم أحمد زكى رد قائلا، "أفكر فى ذلك ولكن ليس هذا هو الوقت المناسب الذى اتحدث فيه عن هذا".

ويحل غدا الذكرى السنوية لوفاة الفنان الراحل هيثم أحمد زكى نجل كلا من الفنان القدير الراحل أحمد زكى والفنانة الراحلة هالة فؤاد والأخ غير الشقيق لرامي بركات، والذى وافته المنية نتيجة هبوط حاد فى الدورة الدموية داخل منزله.


هيثم احمد زكى
وفاة هيثم احمد زكى
جنازة هيثم احمد زكى
احمد زكى
البليتشو
الامبراطور
رامى بركات
هيثم أحمد زكى كلبش
هيثم احمد زكى وفاته
هيثم احمد زكى وخطيبته
هيثم احمد زكى يبكى
احمد زكي وهيثم زكي
خيثم احمد زكي وفاة
هيثم احمد زكي مات هيثم احمد زكى كيف مات
قبر هيثم احمد زكى