إنتاج شركة سينرجي.. السيسي يشكر فريق عمل مسلسل الاختيار: قدم صورة رائعة وحمل صدقا حقيقيا.. ورسالة إلى مصر والخارج.. الرئيس يؤكد: الفكرة كانت رائعة وعظيمة.. ولأبطال العمل: "قولت جابوا الفنانين منين"

قدم الرئيس عبد الفتاح السيسى، الشكر لأبطال مسلسل الاختيار، مشيرا إلى أنه قدم صورة رائعة، وحمل صدقا حقيقيا، ولم يقتصر الرسالة التى حملها على المصريين فقط.

وأضاف الرئيس السيسى، خلال كلمته فى الندوة التثقيفية للقوات المسلحة وفى حضور أبطال المسلسل: "ما تم تقديمه فى الاختيار لم يكن به مبالغة، وكانت وقائع حقيقية رغم ما حملته من قسوة للمصريين، وهذا أمر ملفت للنظر.. والمسلسل كان رسالة إلى مصر والخارج أيضا، قائلا: "الشكر لكم مش على الجهد المبذول.. ولكن الفكرة التى تم تقديمها أكثر من رائعة وعظيمة".

وقال الرئيس: "الشكر ليكم مش على الجهد اللى بذلتوه، على الفكرة اللى قدمتوها كانت رائعة وعظيمة، وعاوز أقولكم أن احنا خلال سنين كتيره من تناول إعلامى لموضوعات بتتم فى سيناء لم تصل للناس لنفس المستوى اللى انتوا فى خلال الشهر ده قدرته توصلوه".

وأضاف السيسى:"المطلوب كتير قوى لان احنا دلوقتى موجودين وانتم عايشين اللحظة اللى بتحصل فى سيناء وحجم الإنجاز اللى ربنا ساعدنا فيه وكنا فين فى 2012 وبين دلوقتى، وبالتالى حق الأجيال الحالية والقادمة والأحفاد كمان إنهم يشوفوا مش نضال المصريين للحفاظ على بلدهم، لا، يشوفوا أد ايه مصر قدمت، لان "المنسى" واللى زيه هما عند ربنا خلاص وربنا سبحانه وتعالى اللى هيجازيهم، لكن يبقا أن إحنا ننقل صورتهم وكفاحهم واستشهادهم لك بيت مصر أولا عشان نقول لكل بيت قدم شهيد متشكرين على اللى انت قدمته فيه أسر فقدوا وافتقدوا أبنائهم أو حتى أصيبوا فبرضه هيعيش مع إصابته طول عمره".

وأكد الرئيس، أن المسلسل كان صورة رائعة لواقع عشناه وبنعيشه وتمن دفعته مصر وابنائها سواء للفكرة الخبيثة اللى بيحاولوا ينشروها، أو للناس اللى بتقدم نفسها لأجل أنها تحمى بلدها من الناس دي.

وأشار الرئيس السيسى إلى أن تقديم الشخصيات المتطرفة لا يمكن أن ينال من الفنانين قائلا: "الفكرة اللى اتقدمت عمرها ما تنال من شخصيتكم، أنت قدمت قضية تتسم بالسلبية والعدوانية، لأ، انت جسدت شخصية حالة نجاحك فيها وصلت الفكرة للناس، اد ايه الفكرة خطيرة ومدمرة لبلادنا".

وأشار الرئيس، إلى أن المجموعة التى قدمت الصورة القاسية، أشكرهم إنهم قبلوا واستطاعوا تجسيد الدور ده بكل ما تعنيه الكلمة، أنا أقدر أعرفهم على المستوى الشخصى لأن شغلى كان يتيح لى أن أشوفهم، أنا قلت هما جابوهم منين دول؟.. قدمتوا الصورة الحقيقية ليهم.. صحيح.. فيه ناس عاوزين يعنى بنبقى عاوزين نمسكهم ونحاسبهم أو إذا اضطرينا نقالتهم بنقاتلهم، فيه ناس بتروح عند ربنا عشان الناس تعيش، اقبلوا شكرى عن كل المصريين.. حاجة عظيمة ورائعة فعلا".

وأكد الرئيس: "مسلسل واحد لن يكفى أو اثنين أو ثلاثة، وأربعة، وبقولكم اوعوا تقدموا غير صور حقيقة لوقائع حقيقية لان ده وصل للناس، الصدق اللى انتوا قدمتم بيه القضية وحتى الوقائع اللى مكنش فيها أى مجاملة للمصريين المقاتلين او حتى المبالغة فى الجانب الشرير، فانتم لا بالغتوا هنا أو هنا".

يشار إلى أن مسلسل "الاختيار" من إنتاج شركة سينرجي إحدى شركات المتحدة للخدمات الإعلامية، برئاسة تامر مرسى.

أبطال مسلسل الاختيار
الرئيس السيسى خلال الندوة التثقيفية للقوات المسلحة
الرئيس السيسي فى الندوة التقيفية
الرئيس السيسي يؤكد أن ما حققته مصر فى 6 سنوات تجاوز عمل 20عاما
الرئيس السيسي يؤكد قدرة مصر على مواجهة المخاطر
الرئيس السيسي
السلام الوطنى فى الندوة التثقيفية
السيسى بالندوة التثقيفية للقوات المسلحة
الندوة التثقيفية للقوات المسلحة
الندوة التثقيفية