أعرب الشاعر الغنائى تامر حسين، عن ردود الأفعال الجيدة عن أغنية عمرو دياب الجديدة "يا بلدنا يا حلوة"، مؤكدا أنه كان يتمنى أن يذكر كل شبر على أرض البلد ليشاهد العالم جمال مصر وشعبها، وأنها دعاية محترمة لبلدنا بعد أزمة كورونا وكل الأزمات التى مررنا بها، مشيرا إلى محاولتنا تجسيد الروح الجميلة فى شوارعنا وأحياءنا وبيوتنا والأماكن المصرية الأصيلة وعاداتها وجمالها، وأنه كان يتمنى أن يغنى الهضبة جمُلة للعيد تعيش طول العمر لأجيال وأجيال. وكتب حسين عبر حسابه وصفحته على فيس بوك: "الحمد لله على ردود أفعال الناس الحلوة فى كل مكان فى بلدنا الجميلة، بناسها الطيبة البسيطة، من شرقها لغربها لشمالها لجنوبها، كنت أتمنى أقول مكان مكان وكل شبر فى البلد والله عشان العالم كله يشوف جمال مصر وناسها". وأضاف حسين: "حاولت على قد ما قدر تجميع أبرز الأماكن أو المحافظات المترابطة القريبة لبعض اللى تمُثل قطاع أكبر من الناس سواء فى وجه قبلى أو بحرى، كلهم أماكن عظيمة نتشرف بيهم، بس دى أغنيتنا كلنا، ودعاية محترمة لبلدنا العظيمة بعد الكورونا وكل الظروف اللى بتمر بيها بلدنا الغالية". وتابع تامر: "كل فنان قام بدوره على أكمل وجه عشان يقدم مصر وناسها الطيبين فى أجمل صورة، مصر اللى مفيهاش عنصرية، فيها البيض زى السُمر، والمسلم أخو المسيحى، وكل المشاهد الإنسانية والروحانية اللى بنشوفها فى بلدنا مع الناس الأصيلة من كل فئات المجتمع المصرى، وحاولنا نجسد الروح الحلوة اللى فى شوارعنا وأحياءنا وبيوتنا والأماكن المصرية الأصيلة وعاداتها وجمالها". واختتم تامر قائلا: "كان عندى أمنية إن الفنان عمرو دياب يغنى جمُلة للعيد تعيش طول العمر لأجيال وأجيال، ودايماً فى بلدنا العيد عيدين، ودايما ًمصر حلوة بناسها وأهلها الطيبين، كل سنة وأنتم طيبين وبخير وعيد سعيد عليكم وعلى حبايبكم، وكل سنة ومصر حلوة بيكم ونخليها فى أجمل صورة بشبابها وأولادها المُخلصين والمتميزين فى كل المجالات". تامر حسين عمرو دياب تامر حسين يا بلدنا يا حلوة اغنية يا بلدنا يا حلوة اغانى الهضبة اغانى عمرو دياب مصر الموضوعات المتعلقة اعرف تعليق دينا الشربينى بعد طرح الهضبة عمرو دياب "يا بلدنا يا حلوة" الخميس، 30 يوليه 2020 03:32 ص الهضبة عمرو دياب يطرح أغنيته الجديدة "يا بلدنا يا حلوة".. فيديو الخميس، 30 يوليه 2020 02:02 ص عمرو دياب يقدم رسالة حب لمصر فى "يا بلدنا يا حلوة" الخميس، 30 يوليه 2020 12:11 ص تفاصيل كليب "بلدنا ياحلوة" ل عمرو دياب بتوقيع طارق العريان وموسى عيسى الجمعة، 24 يوليه 2020 06:54 م شاهد كواليس تصوير أغنية عمرو دياب الجديدة فى شارع المعز الأربعاء، 22 يوليه 2020 04:11 م
