عمرو أديب بعد قرار ولاية "مينيابوليس" بإلغاء الشرطة بها: "هيعملوا لجان شعبية"

علق الإعلامى عمرو أديب على خبر قرار ولاية مينيابوليس التي قتل فيها المواطن الأمريكي جورج فلويد، بإلغاء الشرطة وقال: "بعد الخطوة بتاعت مينيابوليس بإلغاء الشرطة والبوليس، وتبعها بعد كدة عدد كبير من الولايات اللي قررت تاخد خطورة زي دي، هيفكرونا بالأيام الحلوة اللي مرينا بيها، وهيعملوا حاجة شبه اللجان الشعبية، هتلاقي واحد يسألك مين اللي جنبك دي يا نجم واللي يقولك طلع بطاقتك".
وأضاف الإعلامي عمرو أديب، خلال برنامج "الحكاية" الذي يذاع على قناة mbc مصر: "في مشاكل دلوقتي في إنجلترا بسبب فرض حجر صحى لمدة 14 يوما وفرض رسوم على الحجر الصحي، الناس مش عاجبها الكلام ده، بيقولولهم حجر إيه اللي بتقولوا عليه وإحنا أصلا مفيش حد قاس لنا الحرارة أول ما وصلنا المطار".
كما علق الإعلامي عمرو أديب على إسراف البعض وتحزين البعض لأشياء لا قيمة لها في الوقت الحالي، وقال: "مش لازم نشتري هدوم كتير، مش لازم نشترى ونخزن، مش لازم نشترى من التوكيلات الكبيرة، أنت يا ابني متعرفش بكرة ممكن تحتاج الفلوس فإيه، لا قدر الله ممكن حد من حبايبك ولا قرايبك يتعب، وهتحتاجلوا مستشفى ولا تجيبلوا علاج، في الفترة الجاية الفلوس هي اللي هتحكم".
وأضاف أديب: "بلاش هدر الفلوس، متشتريش حاجة ملهاش لازمة، محدش يعمل فرح ويعزم هنا وهنا وفر فلوسك متضمنش الظروف والله الدولار بيعلى، ده الوقت اللي لازم نقف فيه جنب بعض، نسأل بعض ناقصك إيه أكملك إيه، عاوزني أخدمك إزاي، كل واحد ياخد باله من حبايبه ويقتصد في كل شىء، ده اللي هينفعك الفترة الجاية".
وقال: "الفترة الجاية في ناس ممكن يجي صاحب الشغل ويقوله أنت بكرة مش معانا، بنقلل عدد الناس، خدوا بالكوا من فلوسكم والله الفترة الجاية محدش ضامن فيها حاجة، لا شغل ولا غيره".
وأضاف عمرو أديب: "لما نيجي نشوف أسعار المستشفيات الخاصة ونقارنها بأسعار العلاج في المستشفيات الحكومية هنعرف قد إيه الدولة دي بتبذل مجهود عشان صحة الناس، وده مش منة ولا هبة للناس ده حقهم لكن المفروض نكون حاطين في الاعتبار أعباء الدولة".
مينيابوليس
امريكا
احتجاجات امريكا
الشرطه الامريكيه
اخبار
الموضوعات المتعلقة
استشارى مناعة: أى شخص يتحدث عن موعد محدد لإنتاج لقاح لكورونا "متفائل"
الثلاثاء، 09 يونيو 2020 12:16 ص
بعد 14 يوما فقط.. خلافات زوجية تقود إلى اتهام العروس بسرقة مصوغات حماتها
الثلاثاء، 09 يونيو 2020 12:15 ص
صور.. سكرتير مساعد الأقصر يتابع حملات النظافة ورفع 45 طن مخلفات بمدينة إسنا
الثلاثاء، 09 يونيو 2020 12:15 ص