صفحة "ثورة التعليم الفاسد" تكشف طريقة حصولها على الامتحانات المسربة

كشفت صفحة "ثورة التعليم الفاسد" إحدى صفحات الغش الشهيرة عبر موقع التواصل الاجتماعى "فيس بوك" والتى تورطت فى تسريب عدد من امتحانات الثانوية العامة والأزهرية، عن طريقة حصولها على الامتحانات التى تسربها عبر الصفحة .
وقالت فى منشور اليوم الثلاثاء "اقرأوا الكلام ده كويس عشان تعرفوا النظام ماشى إزاى
الامتحان بينزل الساعة 9 ونص بعد اللجنة ومش بنزل امتحانات قبل اللجنة"، "أنت بدورك إنك تاخد الاجابات من جوه اللجنة بأى وسيلة للغش إن كان معاك موبايل أو السماعة أو حد بيمليك الإجابات، أنا بستنى حد يصور لى ورقة الأسئلة من جوه اللجنة ويبعتهالى على رسايل الصفحة يعنى أى تأخير فى نشر ورقة الأسئلة بيكون من عندكم مش من عندى".
وأضاف البيان: "أنا بنزل الامتحان إللى بيجيلى ع الصفحة وبستنى مساعدة الناس إللى مش بتمتحن وأى حد بيحب يساعد فى الإجابات بيكلمنى على رسايل الصفحة ويحل معايا الامتحان، الصفحة من أول النهاردة مخصصة لامتحانات الأزهر فقط لأن كل الصفحات التانية مش بتنزل حاجة للأزهر وكل اهتمامهم بالثانوى العام".
موضوعات متعلقة..
التعليم: إلغاء امتحانات طلاب الثانوية المتلبسين بالغش بامتحان الإنجليزى
ولى أمر طالبة ثانوى بالسويس: يوجد غش جماعى والامتحان تم تسريبه