مدرجات الفيس بوك: جونيور والصقر أساسيان أمام الانتاج والجونة

اختارت جماهير الأهلي والزمالك على صفحة Yallakora.com الرسمية على موقع التواصل الاجتماعي (فيس بوك) مشاركة البرازيلي فابيو جونيور مهاجم الأهلي في مباراة الانتاج الحربي اساسيا، وكذلك الحال بالنسبة لأحمد حسن لاعب وسط الزمالك في مباراة الجونة.

ويواجه الأهلي فريق الانتاج الحربي في الخامسة إلا ربع مساء الأربعاء ويليه لقاء الزمالك والجونة، وذلك ضمن مباريات الاسبوع الثالث عشر من مسابقة الدوري الممتاز.

ورأت معظم جماهير الأهلي ان البرازيلي جونيور بات يحتاج لفرصة للمشاركة اساسيا مع الأهلي بعد ان ظهر بمستوى جيد في الدقائق القليلة التي شارك فيها في مباراتي طلائع الجيش وبايرن ميونيخ.

في المقابل، ترى جماهير الزمالك ان فريقهم لا يجب ان يستغنى عن الصقر أحمد حسن في التشكيل الاساسي، خاصة وانهم يروا انه يستطيع تشكيل جبهة هجومية قوية مع شيكابالا بخالف دوره القيادي في الملعب، وذلك بعد ان بات يعتمد عليه المعلم كبديل في معظم مباريات الزمالك الأخيرة.

وفيما يلي بعض تعليقات زوار صفحة Yallakora.com الرسمية على فيس بوك فيما يخص فابيو جونيور:

Mohamed Shokry: لازم يشارك لسببين: أولا: هذا حقه، ثانيا: لابد من الحكم عليه وتقرير إستمراره مع الفريق من عدمه.

Sherif Ahmed: يا جماعة اللاعيب دة لو اتعاون مع الفرقة واخد عليهم هيبقى حكاية بس عيبة انه مش فاهم حد خالص نصبر علية شوية زى فلافيو.

El Gazar اكيد مع جونيور وبراكوته في الخط الامامي يعني عامل السرعه موجود عند الاهلي وابو تريكه احلى باسات بأذن الله تحتيهم.

Mohamed Diab: مع مشاركته اساسيا.. بس جوزيه يعمل اللي عايزه احنا هنفتي والعبقري موجود.

Ahmed Maradona اكيد لزم ياخد فرصتة يا جدعان محدش ينسا فلافيو كنا بنقول علية اكتر من كدة والله.

وفيما يلي بعض تعليقات زوار صفحة Yallakora.com الرسمية على فيس بوك فيما يخص أحمد حسن:

طائر الحزين: انا عن نفسى كنت مش بحب احمد حسن بس دلوقتى بقيت اعشقه لانه لعيب بيضيف لاى فرقة بيروحها كفاية انه سنه عدى الاثلاتين وبيمرمت نفسه على الكورة مع انى فى شباب اصغر منه ومبيبذلوش نص المجهود اللى بيعمله انا افضله اساسى اساسى اساسى.

Mohamed Shokry: (أحمد حسن ليس له مكان إلا الملعب؛يكفيه أنه عميد الملاعب) من أهلاوي يعرف قيمة النجوم.

Mohamed Said: يشارك اساسي لانه قائد الفريق في الملعب.

Eslam Mohsen: يشارك اساسى قبل ال17 لاعب.

:Jemy Ronaldo أحمد حسن اساسى طبعا.