تفاعل عدد كبير من زوار موقع التواصل الاجتماعي "فيس بوك" حول موضوع زيادة عدد الأندية ل 19 فريق في الدوري المصري الممتاز الموسم المقبل في سابقة ربما تكون الأولى في العالم. وطرح الزميل كريم سعيد اقتراحاً ساخراً عبر صفحته على فيس بوك بتغيير لوائح وقوانين مسابقة الدوري المصري الممتاز في الموسم المقبل لتشمل قوانين الدورات الرمضانية القديمة، مثل "فاول الشبشب، وفاول النور، ومحدش يشوط سن، والرصيف جزء من الملعب". وتفاعل عدد كبير من الأعضاء حول هذا الاقتراح وبدأوا جميعاً في وضع قوانينهم للدورة الرمضانية الموسم المقبل (الدوري المصري سابقاً) فيما يلي: 3laa Ali: الاوت يتلعب بالرجل اتحاد كورة كوميدي. Haitham Hesham Helal: يا ريت الغالب مستمر علي ملعبه. Sherif Saleh: شوارع الدقى كانت ماشية فورة من اربعة او شوطين على ربع ساعة الشوط. زكريا البدوى: الطرد لمدة دقيقتين واللاعب ينزل تانى، وحارس المرمى ممكن يلعب في اى فريق، والحائط البشري يقف على بعد 3 خطوات. Memo Stewart: هانلغي المرمى وهنجيب قالبين طوب. Mohamed Saied: الجون سلطة يا معلم. Amr Khalil: نقول "رايت" لو في عربية معدية، أو الكورة نزلت تحت عربية ركنة. Karim Ramzy: حددوا من هيجيب الكرة من تحت العربية؟ Karim Said: اه ينزل يجبها برجل واحدة. Khaled Hosny: الجون محاور. Sherif Mashaly: فى حاله استدعاء حكام اجانب حيكون من الصعيد، والمباراه حتكون مدتها ساعه على شوطين كل شوط نصف ساعه طبقا لتوقيت جرنتش، وكل مباراه على بيبسى والنهائى على سفن، ويحق للحارس ان يمسك الكوره فى اى منطقه بالملعب، واى هدف يحرز لا يكون فيه اللاعب متسلل يتم الغاءه لابد ان يكون اللاعب متسلل. Osama Khairy: الفورة من 4 أو ربع ساعة، ولو اتعادلنا نلعب مرتين، نلعب على اتنين، ولو اتعادلنا اللي يجيب جون يكسب، وطبعا الكسبان ع الارض حتى لو وزاد عدد الفرق ع بليل. Ahmed Fawzy: الفورة تكون من 6. Mohammed Elmrsafawy: ممكن السكان اللى قصاد الاستادات يتضايقوا ويقولوا كله واحد يروح يلعب قصاد بيته احسن ما نرش ميه. Ahmed Eraqi: الكورنر بربع جون. عمر القاضي: لومفيش حكم.. واحد من اللي بره يحكم.. ولو معجبش اي فريق يغيره أو يضربه. Mahmoud Ogoo: اى حد يعلب طول ما هو معه كوتش. انضم الي صفحة ياللاكورة الرسمية للكرة السعودية علي الفيس بوك تابع أخبار ياللاكورة على تويتر
