محمد سامي: لو خيروني للعمل لمي عمر أو محمد رمضان هختار مي ولما أموت هتكون شهرتي أكبر من يوسف شاهين

محمد سامي، قال المخرج محمد سامي: "الفنان محمد رمضان ممثل كبير أوي ومهم جدا وموهبة مهمة بشكل غير طبيعي، وأي نجم في احتياج لمخرج ومؤلف وصناع حواليه يوظفوا إمكانياته علشان ينجح".

كاريزما محمد رمضان
وأضاف خلال لقائه ببرنامج "أسرار" تقديم أميرة بدر، المذاع على قناة "النهار":"محمد رمضان صاحب حضور وكاريزما طاغية ولو اشتغل مع أي حد من الناس الشاطرة اللي تقدر تنجح النجم وتعرف تشيل مسئولية إنجاح العمل هينجح نجاح كبير".

كيميا محمد رمضان
وتابع: "فيه كيميا بيني وبين محمد رمضان وأعلى نجاحاتي كانت مع محمد رمضان، والأسطورة والبرنس وجعفر العمدة كانوا نجاح استثنائي ومبالغ فيه".
وواصل: "أنا ومحمد رمضان بنفهم بعض بالإشارة من على بعد كيلو، وأفهم إيه اللي مش مريحه وبحبه طبعا، ومحمد طيب وجدع ومش شرير ونفسه ينجح طول الوقت ويبقى الأنجح طول الوقت وفي الوطن العربي كله ميعرفش يمشي في الشارع وهو مش بيفكر فيا بشر إنه عايز يثبت ليا إنه قادر ينجح مع مخرج غيري وهو نجاحه معايا مش مع غيري".

تاريخ يوسف شاهين
ولفت: "المخرج يوسف شاهين تاريخه كله سينمائي وهو مش بتاع مسلسلات، في وقت كانت السينما لها رونق غير السينما دلوقتي ولكني مش بحب كل أفلامه لإن عنده أعمال مش بفهمها، وهو مش أكتر مخرج بحبه، وممكن بعد لما أموت تكون شهرتي أكبر منه".

حقيقة الجزء الثاني من جعفر العمدة
وأشار: "جعفر العمدة الجزء الثاني كانت فكرة محمد السعدي وأنا كنت رافضها بشدة ومحمد أيضا كان رافضها وبشدة، واتناقشنا أنا ومحمد رمضان قلت له أنا رأيي أنا نجحت خلاص هنا وخلي حاجة في تاريخنا على جنب ولما عملنا الأسطورة نجح نجاح كبير واتعرض علينا جزء ثاني قلت ساعتها ربنا يدينا القدرة ونعمل حاجات تاني ومينفعش نقعد نعيد ونكرر في نفس الحاجة ومحمد رمضان يخشى من إفساد نجاح الجزء الأول".
بتوقيع محمد سامي، طرح 5 بوسترات دعائية لمسلسل مى عمر الرمضاني نعمة الأفوكاتو
حقيقة إلغاء الجزء الثاني من جعفر العمدة 2 في رمضان 2024
واختتم: "كتبت 17 حلقة من جعفر العمدة 2 بس أنا محبتهوش ومحستش إنه لو اتعمل هينجح، ولو خيروني أعمل مسلسل لمي عمر ومحمد رمضان أو أي شخص تاني أكيد هاعمل لمي عمر طبعا".
ونقدم لكم من خلال موقع (فيتو)، تغطية ورصدًا مستمرًّا على مدار ال 24 ساعة ل أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري ل أخبار الفن والعديد من الأنشطة الثقافية والأدبية.