يسرا ردًا على حملة الهجوم عليها: مش أول ولا آخر مرة هنتشتم

ردت الفنانة يسرا، على حملة الهجوم عليها بعد مشاركتها في المسلسل الرمضاني 1000 حمد الله على السلامة.
رد قوي من يسرا على حملة الهجوم عليها
وقالت يسرا خلال مداخلة هاتفية ببرنامج "حضرة المواطن" الذي يقدمه الكاتب الصحفي سيد علي بقناة "الحدث اليوم": "مبحبش أرد على أي نقد، والرد بيقلل من قيمة أي حاجة ولا برد على اللي بيشتمني ولا اللى بيشخط فيا لأن مش أول مرة هنتشتم ولا آخر مرة هنتشتم وكل واحد حر اللى عايز يتفرج يتفرج واللى مش عايز يتفرج ميتفرجش".
نجاح مسلسل 1000 حمد الله على السلامة
وتابعت يسرا: "الرد علي اللى بيحاولو يشوهوا أي حاجة تضييع مجهود ووقت، الرد بس على اللي يستحق، أقل من أسبوع من العرض فوق ال150 مليون مشاهدة لمسلسل 1000 حمد الله على السلامة على التيك توك".
يسرا: غيرت جلدي في 1000 حمد الله علي السلامة علشان نضحك الناس(فيديو)
يسرا تعرب عن سعادتها بانتهاء تصوير مسلسلها 1000 حمدلله على السلامة


في تصريحات سابقة، قالت الفنانة يسرا: "كل هدفي من مسلسل 1000 حمد الله علي السلامة إني احط بسمة علي وشوش الناس مش اكتر من كده".

وأضافت خلال مداخلة هاتفية ببرنامج "الحياة اليوم" الذي يقدمه الإعلامي محمد مصطفى شردي بقناة "الحياة": "قلت لجمال العدل أنا عايزة أعمل حاجة كوميدي السنة دي علشان نعمل حالة حلوة للناس، لأن كلنا محتاجين للابتسامة والفرفشة وهدفنا نضحك الناس".

رغبة يسرا بعد القالب الكوميدي
وتابعت: "كنت محتاجة أغير جلدي وعلشان كده شاركت في مسلسل 1000 حمد الله علي السلامة، وحقي كممثلة أني أغير من جلدي ومقعدش في قالب واحد ".

في تصريحات سابقة، قالت الفنانة يسرا: "أنا قبل ما أكون ممثلة كنت مطربة وأخذت من نقابة الموسيقيين تصريح الطرب، وبعدين بقيت ممثلة وجالي وقت كان لازم أحدد المسار الفني".

وتابعت خلال لقائها ببرنامج "أنا والقناع" المذاع على قناة "سي بي سي": "أنا مؤدية كويسة مش مطربة لكن بحب الغناء وبسمع كويس وعندي ودن موسيقية كويسة لأني كنت بلعب باليه وأنا صغيرة في المدرسة وبحب الرقص جدًّا لأنه بيطلع كل الطاقات السلبية اللي في الدنيا".

وأضافت: "لما بشوف الرقص العادي من اللي الجديد وفيه استعراضات اقول يارتني كملت في الرقص، ولكن التمثيل المهنة الأساسية ليَّ".


ولفتت: "أغنية 3 دقات عملت في سنة واحدة 800 مليون مشاهدة والسنة اللي بعدها وصلت إلى بليون مشاهدة على مستوى العالم على يوتيوب، ودي عمرها ما حصلت".


وأشارت: "مقاييس الجمال والذوق والغناء والشغل وأخلاق البشر اختلفت عن زمان، والألبوم الغنائي الأول اللي عملته نجح وقتها ولحد النهارده أنا عندي شباب بيسمع أغانيَّ وحافظها أكتر مني".
ونقدم لكم من خلال موقع (فيتو)، تغطية ورصدًا مستمرًّا على مدار ال 24 ساعة ل أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري ل أخبار الفن والعديد من الأنشطة الثقافية والأدبية.