نص التحقيقات في قضية عروس الإسماعيلية

كشفت التحريات الأمنية الخاصة بقضية ضرب عروسة الإسماعيلية، ورود بلاغ من مها محمد عمران لتضررها من زوجها عبدالله أحمد مصطفى لقيامه بالتعدي عليها بالسب والشتم والضرب وإحداث إصابتها.
جهاز تجميل الإسماعيلية ينظم معرضا للزهور ضمن فعاليات مؤتمر المشروعات الخضراء
الطماطم ب7 جنيهات.. أسعار الخضراوات والفاكهة اليوم 18-10-2022 بالإسماعيلية
وأضافت أن الواقعة حدثت من حوالي أسبوعين بمسكن الزوجية، وبسؤالها عن عدم إبلاغها في حينه قالت أن زوجها قام بمنعها من النزول من شقة شقيقه لتحرير محضر بالواقعة، ومرفق تقرير طبي للشاكية يفيد بوجود نزيف تحت ملتحمة العين اليسرى وكدمة بالعين اليسرى وكدمة بالجبهة.
اعتراف الزوج بارتكاب الواقعة
وأعيد فتح المحضر بتاريخ 9 من شهر أكتوبر الجاري لعام 2022، حيث تم استدعاء المشكو في حقه وبسؤاله اعترف بارتكابه الواقعة، وعلل بذلك وجود خلافات زوجية فيما بينهما.
واستدعت الجهات المسئولة عن التحقيق عروس الإسماعيلية، وتدعى مها تبلغ 20 سنة تعمل ربة منزل، وقالت: اللي حصل إن أنا قاعدة مع جوزي عبدالله بشقتي في بيت عيلة، وكنا قاعدين بنتكلم ونهزر مع بعض وبعدين الهزار قلب جد وهو ضربني على وشي وإداني بوکس في عيني الشمال ونزل عليا ضرب وبعدين أنا لما اتعورت حاولت أنزل وطلعت في الشارع وبعدين هو مسکني ودخلني جوه البيت ودخلني في شقة أخوه مروان في الدور الأول، وحبسني هناك 15 يوم، وكان كل يوم بيضربني لما كان بييجي هو ومروان أخوه.
وأضافت مها محمد عمران عروس الإسماعيلية: إنه وبالصدفة والدي كان جاي يزورني فأنا سمعت صوته في الشارع وهو بينادي على عبدالله، فأنا طلعت من الشباك وقلتله الحقني فقالي فيه إيه؟ فقلتله عبدالله حبسني وضربني وبهدلني وحاجزني في البيت ومش عايزني أنزل، فراح والدي راح القسم عشان يبلغ، واتواصلنا مع واحدة عارفينها، وهي جاتلي عند البيت وقالتلي انتي عايزة تتصالحي مع جوزك ولا تتطلقي؟، فقلتلها أنا عايزة أطلق وعايزة أنزل من هنا، وهي اتفقت معاهم إن أنا أنزل أروح بيت أهلي وجوزي وافق ونزل وصلني لحد العربية، ورحت على بيت والدي وتاني يوم أنا روحت القسم عشان أعمل محضر، وعرفت هناك إنه عامل فيا محضر إني نزلت من البيت بدون علمه، وسرقت حاجات بتاعته وأخدت الدهب وهو ده كل اللي حصل.