شيرين: جملة من عادل امام خلتني مبقتش اركز مع ردود أفعال الناس|فيديو

قالت الفنانة شيرين: "انا كل يوم بحاسب نفسي ولو قصرت او زعلت حد بكلمه واصالحه وضميري دايما صاحي ومش بينام".

موقف غريب مع شيرين
وأضافت خلال لقائها ببرنامج "كلام الناس" المذاع علي قناة "ام بي سي مصر": "مش متعودة أنتظر أي شيء من أي حد في الكون بعد لما بعمل حاجة كويسة، ولو سايقة العربية وماشية بقف علشان حد يعدى وبعد لما يعدى ممكن يتدور ويشتمني وبأكون مستغربة من ردة الفعل معايا ولكن مش برد".
نصيحة عادل امام
وتابعت: "حصلي موقف مع الفنان عادل امام واحنا بنصور فيلم "بخيت وعديلة" في البنك وسط البلد، وبعد لما خلصنا تصوير الزعيم كان بيوصلني بعربيته، واحنا ماشيين أحد الناس كان متردد يعدي الطريق ولا يقف، فتوترت وقلت له خد قرار يا تعدى يا تقف، وقتها عادل امام قاللى بالذمة هو لو قادر ياخد قرار مش كان خده، وقتها اتكسفت جدا وحسيت انى عملت غلط وزعقتله ياخد قرار، دلوقتي بقف وقت ما يعدي يشتمني يشكرني يعمل اللى هو عايزه، ومش بركز مع ردود أفعال الناس".

وقالت الفنانة شيرين في نفس اللقاء: "لا أمانع في المشاركة بأي عمل فني بشرط أن يكون جيد ويحمل رسالة، ولو فيه دور عجبني ممكن أعمله ببلاش".

مشاجرة ابنة شيرين
وأكدت خلال لقائها ببرنامج "كلام الناس" المذاع علي قناة "ام بي سي مصر": "بسبب كلام الناس بنتى اتخانقت مع اتنين قالوا عليا كبرت ومبقتش حلوة".

مشاجرة السوبر ماركت
وأضافت: "في مرة كنا في السوبر ماركت وبعدين كان فيه 2 ستات لطاف طلبوا يتصوروا معايا وبعدين لقيت ميريت بنتى بتقول لأ فقلت لها عادي يعني، وبنتى قالتلهم مش انتو كنتوا بتتكلموا عليها وبتقولوا ان ماما وحشة وكبرت ومش زي ما بتطلع في التليفزيون، انا بنتها وسمعتك".

اعتزال التمثيل
وتابعت: "فيه ناس تعتقد أنني اعتزلت التمثيل ويطلبوا مني العودة للمشاركة في أعمال فنية وأؤكد لهم انى لم اعتزل بعد".

وقالت الفنانة شيرين في نفس اللقاء: "رفضت 5 أعمال فنية الصيف الماضي، ولو أنا محترمتش نفسي مش هلاقي اللى يحترمني".

رفض عمل فني
وأضافت الممثلة شيرين:"حد كلمني وقاللى احنا محتاجينك معانا فقلت له طبعا ابعتلي السيناريو فقاللى معلش انا مزنوق جدا في الوقت وعايزين نبدأ التصوير بعد يومين، فكانت الطريقة مش كويسة فرفضت الاشتراك في العمل".

الدور الجيد
ولفتت:"مفيش حاجة اسمها دور صغير ودور كبير ولكن فيه دور حلو ودور وحش، وممكن اطلع ضيفة شرف بس تكون التجربة حلوة".

شائعة وفاة عادل إمام تتجدد.. وشقيقه: الزعيم بخير واعتدنا هذه السخافة
شيرين: الزواج مثل البطيخة.. ولهذا السبب رفضت الارتباط | فيديو

التمثيل مع تامي حسني
وتابعت: "جسدت 4 مشاهد مع تامر حسني وهما افضل عندي من دور بطولة مع نجمة لم تحترم تاريخي، وانا بقوله اللى الامام ومن نجاح لنجاح وهو بيهتم بالتحلين والكلمات والإخراج والكتابة وبيحدث في نفسه دايما ودي حاجة كويسة".