ماكنتش أعرف إنها لبهاء سلطان.. عزيز الشافعي يكشف تفاصيل أغنية "ماتيجي ادلعك"

كشف الملحن عزيز الشافعي ملحن ومؤلف أغنية بهاء سلطان الجديدة والتي جاءت بعنوان "ماتيجي أدلعك" من ألبوم "سيجارة" كواليس العمل

وقال عزيز في تصريح خاص ل"فيتو":" الأغنية كانت لدي ومنذ شهر ونصف تقريبا جمعتني مقابلة بيني وبين نصر محروس للاستماع للأغاني الجديدة لنجوم شركته وعندما استمع إلي أغنية "ماتيجي ادلعك" طلبها مني.

و أشار "الشافعي":" قالي أنا عاوزها سيبهالي ولما قالتلو لمين عملها مفاجأة واتصل بيا من أسبوعين وقالي تعالي معايا تصوير كليب "ماتيجي ادلعك" لبهاء سلطان وكانت مفاجأة مكنتش أعرف.

اغنية "تعالى أدلعك" كلمات: عزيز الشافعي، ألحان: عزيز الشافعي، تسجيل صوتي: أكرم عادل، ميكس والماستر بإستوديو إم ساوند 2: أمير محروس، رؤية فنية: نصر محروس، إنتاج: فري ميوزيك - نصر محروس

وكان المنتج نصر محروس قال في لقاء تلفزيوني: "اتشتمت كتير أوي على السوشيال ميديا بسبب أزمتي مع بهاء سلطان، وأنا ما كنتش موقف بهاء عن الشغل، والمشكلة في أساسها عدم احترام العقود".



مشكلة نصر محروس وبهاء سلطان
وأضاف خلال لقائه ببرنامج "صاحبة السعادة" الذي تقدمه الفنانة إسعاد يونس بقناة "دي إم سي": "ضايقتني الشتائم التي وجهت ليا والهجوم اللي تعرضت له بسبب أزمة بهاء سلطان ومحبتش أرد لأننا في الآخر ما ينفعش ننشر غسيلنا قدام الناس، لازم نقف عند العشرة والعيش والملح والجدعنة وإحنا مصريين في الآخر ولازم نكبر للعشرة".


علاقة جديدة مع بهاء سلطان
وتابع: "هبني آخر طوبة وبهاء سلطان ماشي من عندي، وأنا متنازل عن ماديات وسنين عمر، بس اللي مفرحني أني مبسوط وبهاء سلطان أخويا والحاجة رايحة بيت أخويا ومش مهم أي حاجة، واللي يهمني أنه ينجح ويرجع تاني".


نجاح إسعاد يونس في إتمام الصلح
ونجحت الفنانة إسعاد يونس في إتمام الصلح بين بهاء سلطان ونصر محروس، خلال حلقة برنامج "صاحبة السعادة".


وقال نصر محروس: "بهاء سلطان حبيبي وروح قلبي وعشرة سنين وأيام الشقا وده أقوى من أي مشاكل أو ماديات أو تعاقدات ويكفي الحب اللي بيننا وهو أطيب حد في الدنيا وهتفضل إيدي خدامة ليك طول العمر وربنا يسامح اللي شتمني، ولو بسامح في فلوس بيننا لأخويا وبيت أخويا وما ينفعش أخون اللي بنيت وأهد"، ليرد بهاء سلطان:"على رأسي بعيد عن المشاكل واللي حصل، وهو قال لي أنا هفضل في ضهرك حتى لو بعدت عني، ولك معزة في قلبي والحمد لله إن ربنا وصلك الإحساس الحلو اللي جوايا ليك، احنا بقالنا 23 سنة مع بعض".



نهاية أزمة بهاء سلطان ونصر محروس
وأكد نصر محروس: "بهاء سلطان فري من نصر محروس وهفضل خدام له فنيًّا وإنسانيًّا؛ وعمري ما هكون سبب عثرة في طريقه ولا هو ولا شيرين ولا تامر حسني"، ليرد بهاء سلطان: "كنت بحلم إننا نبقى إخوات وعلاقتنا تبقى كويسة، والحمد لله ده اللي حصل".


كيف تفاعل نشطاء تويتر مع عودة بهاء سلطان للغناء بعد توقف 9 سنوات
بعد الصلح مع نصر محروس.. تفاصيل ألبوم بهاء سلطان الجديد

براءة ذمة من نصر محروس لبهاء سلطان
ووقَّع المنتج نصر محروس على الهواء براءة ذمة منه إلى بهاء سلطان، من أي التزام بسداد المبالغ المستحقة عليه ومن تنفيذ العقود المحررة، ويحق ل"سلطان" التعاقد مع أي شركة دون أي مشكلة أو اعتراض.