طارق الشناوي: مش من اختصاص الموسيقيين منع مطربي المهرجانات من الغناء | فيديو

قال الناقد الفني طارق الشناوي: "قرار نقابة المهن الموسيقية بمنع مطربي المهرجانات عشوائي ومش ممسوك صح".
ساويرس مهاجما هاني شاكر: مبيعجبنيش صوته.. ويمارس إرهاب ضد مطربي المهرجانات
هاني شاكر: حسبي الله ونعم الوكيل في عمر كمال وشاكوش | فيديو
دور نقابة الموسيقيين
وأضاف خلال مداخلة هاتفية ببرنامج "الحكاية" الذي يقدمه الإعلامي عمرو أديب بقناة "mbc مصر": "مش دور نقابة الموسيقيين منع حد من الغناء لكن ده دور الأجهزة الأمنية في معاقبة المتجاوزين".
دور الأجهزة الأمنية
وتابع: "مفيش نغمة مسفة ولكن فيه كلام مسف ومفيش إيقاع قليل الأدب ولكن فيه كلام قليل الأدب، واللي بيقول كلام قليل الأدب القانون الجنائي يسجنه، وفيه مطربة فعلًا دخلت السجن لما غنت كلام قبيح، ومش دورالنقابة تمنع حد ولكن دور الأجهزة الأمنية تسجن المخالفين والمتجاوزين، ولو فيه كلام مسيء في المهرجانات الجهات التنفيذية تحاسبهم لكن الناس تختار براحتها".
هاني شاكر يحتل صدارة التريند بعد منع مؤدي المهرجانات من الغناء
هل يحق للممنوعين من الغناء اللجوء للقضاء؟ هاني شاكر يرد | فيديو
هجوم ساويرس على هاني شاكر
وهاجم المهندس نجيب ساويرس، رجل الأعمال، الفنان هاني شاكر نقيب المهن الموسيقية، بسبب قرار منع مطربي المهرجانات من الغناء.
الذوق الغنائي
وقال "ساويرس" خلال مداخلة هاتفية ببرنامج "الحكاية" الذي يقدمه الإعلامي عمرو أديب بقناة "mbc مصر": "كل واحد وذوقه محدش هيعمل ولي علينا، وأنا بحب أسمع الغناء الشعبي ولون المهرجانات".

استضافة مطربي المهرجانات بالجونة
وعن تصريحاته حول استضافة المطربين الممنوعين من الغناء في مهرجان الجونة، أكد "ساويرس": "أنا مبقولش حاجة مبعملهاش ولو عايز أجيبهم مهرجان الجونة هجيبهم".

دور نقيب الموسيقيين الحقيقي
وأضاف: "موضوع منع مطربي المهرجانات من الغناء فيه نفسنة وغيرة.. إحنا نسمع اللي إحنا عايزينه، محدش يتدارى في سلطة أنه يكون قائمًا على أذواقنا، نقيب الموسيقيين شغلته يعالج الأعضاء المرضى ويقف معاهم ويدعمهم ويصرف لهم المعاشات وييسر لهم أمورهم، إنما هو مش من سلطاته القيام بالمصنفات الفنية، هناك رقيب على المصنفات الفنية وهو مش رقيب على المصنفات".

دعم ساويرس لمطربي المهرجانات
وتابع: "مش دور نقيب الموسيقيين يقولنا نسمع إيه ومنسمعش إيه، الفن غير العلم، هو نفسه مين اداله القرار أنه يمنع مطربي المهرجانات.. أنا أصلا مبيعجبنيش غناء نقيب الموسيقيين، القانون لو أعطاه الحق يمنع المغنيين يبقى غلط، أنا بحب حسن شاكوش وويجز وحمو بيكا وبسمعهم، اللي متضايق من الغناء ده يقفل الراديو والتليفزيون والتليفون، زي اللي مش بيحب الأكشن ميشوفهاش، عاملهم إرهاب إنهم لو غنوا هيمنعهم وده مينفعش".

قطع الأرزاق
وأكمل: "هو فيه حد يقدر يحمي عياله وميسمّعهمش أغاني المهرجانات، هو مش ربنا عشان يحددلنا نسمع إيه ومنسمعش إيه، واللى خايف على عياله يقفل النت.. قطع الأرزاق ربنا مبيسامحش فيه، وبنقوله استهدى بالله وخلي الناس تأكل عيش وتشتغل.. أنا بتدخل علشان أنا بحب اللون ده وعايزهم يأكلوا عيش، وربنا يبارك لهم في فلوسهم".