بالصور.. نشطاء يكشفون حل لغز مسلسل «كفر دلهاب»

تداول عدد من نشطاء مواقع التواصل الاجتماعي، نهاية جديدة لمسلسل الرعب المصري "كفر دلهاب"، قاموا من خلالها بحل لغز المسلسل.
وكشفت هذه النهاية أن الطبيب سعد "يوسف الشريف" ليس طبيبا، وإنما حضر للكفر كي ينتقم ممن اغتصبوا والدته في طفولته، مؤكدين أن "سعد" هو الطفل الصغير الذي ظهر مع بهاء الدين "محمد رياض" وابنته هند "سهر الصايغ" في البيت المهجور".
وقال النشطاء في النهاية التي تداولوها: "الطبيب سعد مش طبيب.. هو جاي ينتقم لأمه اللي حلم بيها وهي بتتدفن حية بعد ما اغتصبوها.. اللي اغتصبها ده الراجل اللي شيخ الغفر طلعه من السجن في حلقة إمبارح، مين بقي الطبيب هو الطفل الصغير اللي ظهر مع بهاء الدين وبنته هند في البيت المهجور.. هيبقي ابن جلال الدين أخو محمد رياض اللي هو بهاء الدين.. واللي في حلقة مبارح اتضح إن نوال وبهاء الدين قتلوه... السبب هيبقي لأنه مخلفش من نوال غير بنت اللي هند قتلتها وكانت بتقول لمحمد رياض يا عمي واتجوز أم الطبيب وخلف منها ولد، ولما اكتشفوا كده قتلوها عشان الورث بس الطفل اللي هو الطبيب هرب".
وأضافوا: "الطبيب غالبا هيبقي ساحر وهو اللي عامل كده في الكفر عشان ينتقم لأمه اللي ماتت وعمل موضوع ريحانة عشان يبقي سبب أنه يبهدل الكفر، والدليل أنه ساحر ومش طبيب أن الناس شافوه في الكفر قبلها بسنتين، وكان عامل ومكنش طبيب ولا حاجة وكمان لما رجع بيته كان مهتم أوي أنه يطمن ع المواد اللي عنده وكان خايف عليها غالبا لأنه بييستخدمها في أعمال السحر وهيطلع هو الكداب النصاب اللعنة اللي حلت ع كفر دلهاب (بصوت المجنون)".
ودلل النشطاء على حديثهم، قائلين إن يوسف الشريف ارتدى نفس الخاتم الذي كانت ترتديه والدته وهو الخاتم ذاته الذي ارتدته ريحانة".
يذكر أن مسلسل "كفر دلهاب"، من بطولة يوسف الشريف وسهر الصايغ ومحمد رياض وهادي الجيار وأحمد سعيد عبد الغني، والمسلسل يذاع بشكل حصري على قناة On E.