حرب على صفحة «القارئ المزيف» ب«فيس بوك».. ميرنا: «يخرب بيت الشهرة».. النبراوي: «إيه يا مولانا اللي حصل».. محمود: «يا شيخ رد».. مصطفى: «مش عارف ليه عمل في نفسه كده».. و«عبدالرحيم» يتجاهل متابعيه

حرص أصدقاء ومتابعي عبدالرحيم راضي، طالب كلية الصيدلة بجامعة الأزهر بأسيوط، الذي أعلن أنه الأول على مستوى العالم في مسابقة القرآن الكريم، على معرفة ادعاءاته بحصوله على المركز الأول في المسابقة العالمية للقرآن الكريم، بماليزيا، وذلك عن طريق التواصل معه عبر صفحته الشخصية بموقع التواصل الاجتماعي «فيس بوك»، ومن جانبها رصدت «فيتو» بعض التعليقات.
«يا شيخ رد»
قال النبراوي: «إيه يا مولانا اللي حصل.. رد على اللي بيتقال ده»، وأضاف محمود عيد قائلا: «يا شيخ رد على التفهات المنتشره دي»، فيما قالت ميرنا مجدي: «حتى انت طلعت نصاب.. طلع مكنش فيه مسابقة أصلا في ماليزيا والمسابقة دي بتتعمل في نهاية شهر شعبان والسفارة الماليزية طلعت بيان بتقول أن كل ده كذب معرفش هو استفاد إيه يخرب بيت الشهرة اللي تعمل في حد كده».
وطالب محمد أشرف، راضي، بتوضيح حقيقة الأمر، قائلا: «يا مولانا لو سمحت تطلع ترد إنت فعلا فزت بالمسابقة ولا المسابقة دي حاجة تانية غير المسابقة العالمية اللي في رمضان.. لو فيه مصداقية اعتذر أو اتكلم».
«قفل تليفوناته»
وتعجب مصطفى حسن من ابتعاد عبدالرحيم أفضل قارئ بالعالم عن الأضواء: «قفل كل تليفوناته ومحدش عارفله طريق أنا مش عارف ليه عمل في نفسه كده وإيه إلى استفاده»، وأضاف محمد ربيع: «جزاك الله خيرا وفقك إلى كل ما يحبه ويرضاه».
وقالت أخرى: «جزاه الله كل خير على الكذب ولا على إيه؟»، فيما قال إيمن الشوربجي: «سترتقي بالقرآن»، وأضافت أخرى: «سنرتقي بالقرآن بس لما يكون خالص لوجه الله مش بالكذب والخيانة».
ومن جانبه، أغلق عبدالرحيم راضي، هاتفه المحمول، بعد كشف ادعاءاته بحصوله على المركز الأولى في المسابقة العالمية للقرآن الكريم بماليزيا، ولم يرد على رسائل متابعيه عبر صفحته بموقع «فيس بوك».
في الوقت نفسه، قال الدكتور عبدالفتاح الطاروطي، عضو نقابة القراء، وعضو لجنة تحكيم المسابقة العالمية للقرآن الكريم بماليزيا، إن عبدالرحيم راضي، لم يحصل على تأشيرة دخول لدولة ماليزيا من الأساس.