فوز الزمالك بالدوري يشعل «تويتر».. أحمد: «مش قصة كام بطولة ده عشق من الطفولة».. ريم: «أحلى حاجة حصلت في 2015».. عمرو: «افرحوا علشان مش هتشموها تاني».. وتامر: «أول احتفال للزمالك على السوشيال ميديا»

دشن جمهور نادي الزمالك، مساء اليوم الثلاثاء، هاشتاجًا جديدًا على موقع التواصل الاجتماعي «تويتر»، حمل عنوان «الزمالك بطل الدوري»، تفاعل معه الكثير من مشجعي القلعة البيضاء، مهنئين فريقهم بدرع الدوري ال12، كما تفاعل معه عدد من جمهور الأهلي، ومن جانبها رصدت «فيتو» أبرز التعليقات.
أحمد محمود: «مش قصة كام بطولة ده عشق من الطفولة».
أسماء إبراهيم: «جينا الليلة جينا وبطولة الدوري إن شاء الله لينا لا أهلي ولا إسماعيلي نادي الزمالك هو نادينا».
حسن المصعبى: «مبروك لكل زملكاوي على وجه الكرة الأرضية الزمالك مدرسة لعب وفن وهندسة».
ريم سعد: «فرحة أبويا دلوقتي حالًا أحلى حاجة حصلت في 2015 الزمالك بطل الدوري».
رضا السيد: «متخيلين صدمة لاعيبة الزمالك أما يكتشفوا إن الدرع مش بينور.. ولا بيعمل موسيقى».
محمود: «مبروك لجمهور الزمالك من جمهور اتحاد جدة».
حمدى أحمد: «رسالة لجمهور الزمالك الوفي ناديك وفريقك محتاجلك مش إنت اللي تيأس عشان 3 نقاط وتنسى إنك 99٪ حسمت بطولة غالية
أوي».
عمرو أسامة: «صيحة للزملكاوية.. ظيييييييطوا وافرحوا على الآخر علشان مش هتشموها تانى وخلوا بالكوا درع الدوري مربع مش مدور علشان ميضحكش عليكو».
تامر: «أول احتفال للزمالك على السوشيال ميديا».
هند محمد: «هل تعلم إنك بقالك 10 سنين ما أخدتش دوري هل تعلم أن الدوري ال12 للأهلي كان عام 1974».
وكان فريق سموحة الذي يقوده ابن الأهلي محمد يوسف أهدى درع الدوري لفريق الزمالك بعد تعادل الفريقين بهدف لكل منهما الذي كان يتشبث بأمل ضئيل جدا لإحراز البطولة بتعثر الزمالك في مباراتيه مع طلائع الجيش ووادى دجلة لكن فريق سموحة فجر مفاجأة بالتعادل مع الأهلي ليستقر درع الدوري بميت عقبة.