طالب جمهور الفنانة زينة ومتابعوها على موقع التواصل الاجتماعي "انستجرام"، باستمرارها في ملاحقة الفنان أحمد عز قضائيا في قضية نسب أطفالها له. وكتبت زينة على حسابها على انستجرام "صباح الفل بالنسبة لل 3 رسائل الكذب اللي منزلهم وبيقولوا إنهم مني وهما كدب كالعادة، مش عاوزة أنزل للمستوى ده وأرد، أيه رأيكم ولا أرد وأنزلهم عشرة مش كدب حقيقيين بجد من غير تزوير مستنية رأيكم علشان مش هاسمح بكذب ولا هاسكت تاني". وقالت إحدى معجبات الفنانة: "نفسي أفهم معقول أكون غبية لدرجة أنسب أولاد لواحد مش أبوهم، وحيعملوا له التحليل وحيأكد أنهم أولاده"، وأضافت: "أنا واثقة فيك يا زينة ربنا ينصرك". وقالت أخرى "لا طبعا لا تسكتي.. السكوت علامة الرضا.. رأيي أنك تستخيري وأيضا تستشيري محاميك وتنزلي كل اللي عندك.. ولا تخافي.. عيالك مش حيلوموكي أبدا لما يعرفوا حقيقته.. اللي يطعن بشرف أم عياله ما يستاهلش يكون أب.. وبالعكس أنتِ بتحاولي تجيبي لهم حقهم.. ربنا يقويكِ". ووجهت إحدى متابعي زينة لأحمد عز رسالة مضمونها: "زينة حتثبت حقها وحتسكت كل الأشكال إللي مثلك بإذن الله". وقالت صديقة أخرى لزينة: "زينة أنا متابعة أخبارك وأول مرة أدخل أكتب كومنت.. أنتِ بجد ربنا إن شاء الله هينصرك ويحمي ولادك والحق يبان، وفوضي أمرك لربنا وخليكي قريبة من ربنا علشان هو أحن علينا من أي حد، وإن شاء الله هتكسبي القضية وكلنا بندعيلك". وجاءت بعض المطالبات بإلزام زينة بفضح أحمد عز حيث كتبت فتاة: "الموضوع كبر عن حده، وطلعي كل شيء معاكِ أفضل يا زينة، خلاص ما فيه شي تاني ينسكت عليه".