نشر الفنان شريف منير فيديو عبر صفحته على «فيسبوك» وجه من خلاله رسالة عتاب إلى الجمهور الذى انتقد ذهاب وفد من الإعلاميين والفنانين إلى روسيا؛ لمساندة منتخب مصر في مباراته الأخيرة أمام نظيره الروسي فى كأس العالم، والتى فاز بها الأخير بثلاثة أهداف مقابل هدف واحد أحرزه اللاعب محمد صلاح. وأوضح أنهم سافروا إلى روسيا لدعم المنتخب المصرى، بعدما تلقوا دعوة شملت الطيران والإقامة مثل دعوات المشاركة في المهرجانات الفنية، مؤكدا أنهم لم يحصلوا على أى أموال مقابل هذا الحضور، حتى أن بعضهم سافر على نفقته الشخصية، وهو الأمر الذي جعله يتعجب من الهجوم الشديد عليه وعلى زملائه الفنانين، بما في ذلك حملة السخرية والتشوية التى طالتهم. وعلق: «هو عشان الفريق خسر فإحنا نتحمل الموضوع يعني؟، هو إحنا اللي حطينا خطة اللعب؟ هو إحنا اللي لعبنا وخسرنا؟ إحنا كنا واقفين وبنتفاعل جوه الملعب زي كل المصريين الموجودين، وزعلنا لما اتغلبنا، الكورة كده؛ مكسب وخسارة، إيه الغلط اللي عملناه؟ ويتقال علينا مطبلاتية ورقاصين وألفاظ مش كويسة، هو إحنا مش بنمتعكوا برضه؟ إيه الغلط اللي عملناه؟ هي مش فيفي عبده اللي أنا شاركت معاها في مسرحية حزمني يا كنتوا بتنبسطوا منها؟». وتابع: «اتقال علينا كلام كبير، وإن إحنا طالعين من قوت الشعب، مش حقيقي الكلام ده، ده بند من الدعاية للشركة، وده يشرفنا إننا ندعم المنتخب، أقسم بالله إحنا مانعرف اللاعبية في أوتيل إيه، ولا شوفناهم أساسًا». وعبر عن حزنه الشديد بما وجده من الجمهور، وتساءل هل كان سيحدث هذا إذا فاز المنتخب، واختتم حديثه قائلًا: «من باب أولى إننا نهاجم المصريين اللي فرحانين في هزيمة منتخبنا، في ناس بيهاجموا فريقنا وبيفرحوا فيه، وقالوا علينا يا رب الطيارة تقع بينا وكإننا خونة، أنا آسف على الإطالة والانفعال».