وجه المطرب تامر عاشور رسالة إلى الفنان تامر حسني حثه خلالها على الفرح بألبوم نجم الجيل "عمري ابتدا"، قائلا له: "أنت عامل أحلى شغل مع كل الناس". وعبر عاشور عن حزنه للتسريب الإلكتروني لأبوم تامر حسني الجديد قبل طرحه ب10 أيام في الأسواق، موضحا أن الفنان ينتظر فرحة الألبوم الجديد بعد تعب كبير ينتهي بآراء وتعليقات الجمهور. وقال عاشور في تدوينة له اليوم الخميس على حسابه بموقع التواصل الاجتماعي فيسبوك: «في فرحه كبيره قوي بيستناها الفنان كل سنتين مره وهي فرحه "إصدار البومه" عارفين يعني أيه إصدار البوم ب النسبه لفنان ؟ يعني بينام ويصحى يحلم بيه مبهزرش والله العظيم». واستكمل: «التعب اللي قبل الالبوم بيروح لما يتم إصداره بتاريخ ووقت وشكل دعايه معينين و انتظار أراء الناس اللي بتحبه و تباركله وتهنيه كل ده لما مبيحصلش بيفضل الفنان تعبان لحد الالبوم اللي بعده بجد من جواه .ده مالوش اي علاقه بنجاح الألبوم». وأسدى عاشور نصيحته إلى تامر حسني قائلا: "تامر حسني ألبومه هينجح كالعاده ان شاء الله بس كلمه من أخ ليك أعداء النجاح اللي مالهمش علاقه بيك متشغلش بالك بيهم. لكن أعداء النجاح اللي بتشتغل معاهم " خطر" بيمثلوا 24 ساعه ف اليوم او بيتاجروا ف المضروب بنسبه كبيره وكبيره جدا اوعى تصدق اللي انا سمعته قبل كده ونجاحك هيقتلهم وهيمحيهم اكتر ما هم إتمحوا وبرضو متركزش معاهم .. افرح ب البومك انت عامل أحلى شغل مع كل الناس". ويضم ألبوم «عمري ابتدا» 13 أغنية، منهم الأغنية الأولى التى تحمل نفس اسم الألبوم، بالإضافة إلى 12 أخرى.
