طلعت زكريا: «بناتنا بتسأل يعني إيه الواقي الذكري ومش عارفين نجاوب»

طالب الفنان طلعت زكريا، بتوقيع أقصى عقوبة على بطلي واقعة «الواقي الذكري» المهينة للشرطة، الفنان الشاب أحمد مالك، ومراسل برنامج «أبلة فاهيتا»، شادي حسين، قائلًا: «اللي عملوه خلى أولادنا الأطفال الصغيرين يسألونا يعني إيه الواقي الذكري، والبنات هما كمان بالتحديد بيسألوا، ومش عارفين نجاوب، طيب نجاوبهم نقولهم إيه».
وقال زكريا، إن «مالك» ليس فنانًا ولا يدخل في زمرتهم، مضيفًا: «ده كان لسه في كي جي 2 فن، وهو اللي حكم على نفسه إنه ميكملش، لأن هو والأخ التاني ده أفكارهم مسممة، الأخ التاني ده كان مقدم مشروع تخرج مسيء للشرطة وعن ضربها للمتظاهرين في 25 يناير، وإدارة جامعته رفضته».
وأضاف: «ما حدث بمثابة إهانة من تفهة لناس بيحمونا، إهانة لناس قدموا أرواحهم وإحنا قاعدين في بيوتنا في عز الثلج، وكل الناس عارفة دور الشرطة المصرية كويس، وأطالب بتوقيع أقصى عقوبة على الولدين دول، ولا تأخذنا بهم رحمة».