انتقد رئيس مجلس إدارة نادي الزمالك، المستشار مرتضى منصور، تصريحات الكاتب الصحفي عبد الله السناوي، التي قال فيها إن الرئيس عبد الفتاح السيسي حزن نتيجة خسارة عمرو الشوبكي، نائب رئيس مركز الأهرام للدراسات السياسية، أمام أمام أحمد مرتضى، في الانتخابات البرلمانية عن دائرة الدقي والعجوزة. وقال منصور، خلال مداخلة هاتفية في برنامج استاد معروف، المذاع على قناة العاصمة، «إزاي تزعل يا سيسي إن أحمد نجح، أنا كنت فاكر أنك هتفرح بفوز ابني على الشوبكي»، مضيفًا: «إنتم عاوزنا نقلب على الراجل ده ولا إيه، ما فيش حد مجاملني في حاجة، وأنا انتخبت السيسي ولم أطلب شيئًا منه». وتابع منصور، موجهًا حديثه إلى السيسي، «مش الشوبكي ده اللي سجلت له قناة الجزيرة وهو بيقول إن عزل محمد مرسي، انقلاب على الثورة»، معقبًا: «أنا مش هسكت، والحساب قادم، وما فيش حد جاملني بصوت واحد، أهل ديرتي هما اللي نجحوني وجعلوني الأول على الجمهورية». واختتم منصور«أنا بدعم السيسي، علشان مصر في عنق الزجاجة، مش عشان خايف منه، الدنيا مقلوبة على مصر من الخارج، فمتخلوناش نقلب إحنا كما من الداخل، وبلاش ضغط علينا علشان منفرقعش، والشيء اللي بيزيد عن حده بينقلب لضده».