فيديو.. لجنة تحكيم «Arabs Got Talent» ترد على انتقاد أحلام ل«ياسمينا»

رد أعضاء لجنة تحكيم برنامج المواهب "Arabs Got Talent"، على الانتقادات التي وجهتها المطربة الإماراتية أحلام للمتسابقة ياسمينا، مؤكدين على أنهم مقتنعين بصوتها، الذي وصفوع ب"الرائع".
وقالت نجوى كرم، بعدما نهضت من "كرسيها": "إنتي صوتك من راسك وتلت ونص، وصوتك مش مستعار يا ياسمينا، صوتك أد بلد ومصر كلها ستكون فخورة بك وبالعالم العربي أيضًا".
بينما قال أحمد حلمي: "أنا مابفهمش أوي في الغناء بتاعكم، وإزاي يكون مستعار أو لأ، بس أنا حبيت صوتك حتى لو مستعار، وأقنعتيني جدًا، وصوتك حاسه فكل كلمة بتقوليها".
وعلّق علي جابر، قائلًا: ياسمينا نقلتنا من مكان لمكان تاني، كله حنية ومحبة وإلهام، وهى صارت نجمة من الآن ومش بحاجة إلى البرنامج، لا "Arabs Got Talent"، ولا "Arab idol" ولا غيرهم، وياريت أحلام كانت معانا دلوقتي علشان تشوف اللي إحنا شايفينه".
وأعرب ناصر القصبي، عن سعادته الكبيرة بصوت ياسمينا، قائلًا: "أنا سعيد جدًا بصوتها، ومش هزود حاجة عن اللي اتقالت، ولكن أحب أقول إن معنى إن في ناس كتير اتكلموا عن ياسمينا، سواء بالانتقاد أو بالمدح، فهذا دليل على نجاحها، ودليل إنها تفرق مع الناس، أتمنى لها التوفيق".