منصور : انا مش ديكور .. والصندوق الانتخابي بيني وبين" السيسي "

علق المستشار مرتضي منصور , المرشح المحتمل للانتخابات الرئاسية , علي ما تردد بانه مجرد مرشح ديكور للمشير السيسي قائلا : " لما اقابل المشير السيسي ابدا وبشوفه في التليفزيون ومحدش يقدر يجي يقول مرتضي اترشح كديكور ودا كلام ناس فاضية قاعده علي الفيس بوك تقول اي كلام "
وأضاف منصور في حواره مع الاعلامي عمرو الليثي ببرنامج " بوضوح " علي فضائية الحياة انه لم يطلق علي نفسه سيسي الزمالك بل الجماهير اللي بتايده اطلقت عليه اللقب مشيرا الي احترامه وتقديره للمشير السيسي والصندوق الانتخابي بينا
وابدي منصور العديد من الملاحظات علي المشير السيسي قائلا " اولا هو راجل عنده شعبيه عاليه وموقع رئاسة الجمهورية هيقلل منه ومش هيفيده ثانيا هو تعهد بعد الاطاحة بمرسي بانه ليس لديه اي مطامع شخصيه في الحكم ولكنه ترشح الان وهذا مش صحيح "
وقال المرشح الرئاسي المحتمل , أن ما يميزه عن السيسي واي مرشح " أنا واضح واللي في قلبي علي لساني ومش بمثل دور علي حد ولا بلعب دور الزعيم ولا بطلب لحد
وعلق علي التساؤل بان المشير طلب منه الترشح قائلا " الترشح للانتخابات ارادة شخصية فالانسان يلاقي في نفسه الطموح في انقاذ البلاد ومش محتاج حد يتحايل عليا , والمشير ليه مؤيديه وانا عندي مؤيدين "