أحمد برادة: "لم أتعرض للاغتيال ولا التهديد.. ولم أتزوج مرة ثانية عايش لبناتي" (فيديو)

تصدر أحمد برادة، لاعب الإسكواش السابق، مؤشرات البحث بعد تعليقه على نجاحه في لعبة الإسكواش واعتزاله واتجاهه للتمثيل، قائلا إنها قصة نجاح بفضل ربنا أولًا، ثم دعاء والدته، قائلاً : "بعد نجاحي في الإسكواش، من قلبي كنت بحارب نفسي ومكنتش عاوز أنجح".
تصريحات أحمد برادة
وأضاف أحمد برادة في حوار على الفضائيات: "جالي في وقت من الأوقات إحباط من اللي عملته في نفسي"، معلقاً: "دعاء أمي وأولادي كانوا محتاجين إني أثبت ليهم ولنفسي إن أحمد برادة هيرجع تاني، زي ما كنت بطل في الإسكواش، أبقى ناجح"، وتحدث برادة عن تجربة التمثيل الوحيدة التي خاضها خلال حواره، مؤكداً أنه لم يكن ينوي دخول مجال التمثيل ولكن الفنان ليلي علوي هي التي عرضت عليه المشاركة في فيلم حب البنات.
وتابع أحمد برادة:" التجربة الوحيدة التي خضتها كانت في فيلم حب البنات من خلال صديقتي ليلي علوي وصديقي أحمد عز، ولكن ملقتش نفسي في التمثيل، معلقاً:" بزعل لما الناس تفتكرني من خلال الفيلم مش من خلال الاسكواش.. وعن تعليقات الناس علي أغنية ناسيني وأنا جبنك والتي غناها خلال الفيلم، قال:" مش عارف ازاي الأغنية طلعت حلوة كده وعجبت ناس كتير".
أحمد برادة والاغتيال
تحدث أحمد برادة عن حقيقة تعرضه للاغتيال، منفعلاً:" القصة كلها أني كان فيه حرامي بيسرق حاجة من الفيلا وخربشني بسكينة الناس الفت قصص منها دي قصة حب ومنها ده عشان يبطل اسكواش وكل ده كذب، أنا بعد الواقعة دي بشهر لعبت اسكواش والموضوع اني اتعورت جامد وهبطل لعب ده كله كلام فاضي لأني لعبت 4 سنين بعد الحادثة دي وكانوا أحلي سنين في حياتي.. وعن قصة تعرضه للتهديد حتي لا يحكي تفاصيل الحادثة، قال،:" أنا محدش يقدر يهددني حتي لو كان مين والكلام ده كله مالوش أساس".
حياة أحمد برادة
تحدث أحمد برادة عن الحب في حياته، مشيرًا إلى أنه قرر ألا يتزوج مرة ثانية ويعيش لابنتيه فقط، وأن الحب أصبح بالنسبة له هو النجاح، و عايش لوحدي أنا وبناتي وأمي وربنا كرمني ببنتين هما أعظم بنتين بالنسبة لي وحياتي كلها ليهم ومبسوط وأنا معاهم وبكون مضايق لما يروحوا النادي، وهما الحمد لله متربيين كويس".
وأردف أحمد برادة: "مش هتجوز تاني.. ربنا عمل لي كل حاجة ومش عاوز أكتر من كده.. مش عارف يعني إيه حب وما بقتش عاوزه ومش بفهمه خلاص، موضوع الحب قفلته من5 سنين وخلصت المواضيع ما عنديش حد تاني في حياتي.. ما عنديش وقت.. ربنا بياخد من حتة ويدي من حتة تانية كتير جدًا فوق ما تتصوري، وحبي بقى للشغل والنجاح ونفسي ربنا يقف جنبي إني أعمل حاجة كويسة لبلدي".

وكشف أحمد برادة العديد من الأسرار في حياته الشخصية والمهن التي عمل بها وسبب تركه للتمثيل، إضافة إلى حديثه عن تفاصيل اتجاهه إلى عالم البيزنس والمقاولات.
بداية أحمد برادة
أحمد برادة ممثل مصري، لمع في عالم الرياضة بعد ان كان من ضمن المصنفين الأوائل على مستوى العالم في لعبة الاسكواش رغم صغر سنه على اثر حادث اعتداء تعرض له امام منزله عندما هاجمه احد الاشخاص ووجه إليه طعنات قاتلة بمطواة، بعدها بفترة اختار الاعتزال، ثم احتراف الغناء والتمثيل وشارك في فيلم "حب البنات" مع الفنانة ليلى علوي