خلال افتتاحه مشروعات قومية بكفر الشيخ .. السيسي للمصريين : فى 30 يونيو 2018 لازم أكون خلصت اللى وعدتكم بيه والمشوار قدامنا طويل

علق الرئيس عبد الفتاح السيسي، على أزمة سد النهضة التي تقوم إثيوبيا بتدشينه حاليا، قائلا: "محدش يقدر يمس مياه مصر وأنا بطمنكوا".
وأضاف الرئسي السيسي خلال افتتاح عدد من المشروعات التنموية بمحافظة كفر الشيخ: "اتكلمنا مع أشقائنا فى أثيوبيا والسودان حول 3 عناصر، منها عنصر عدم المساس بالمياه، وبنقول إن إحنا متفهمين للتنمية، لكن قدام التنمية دى مية حياة أو موت لشعب، وميه ربنا اللى خلقها ما حدش تاني عملها، بقالها آلاف السنين أنا عاوز أطمنكوا، وانتوا بتقولوا إن المساس بالمية خطر، طيب ما اللى زرع زراعة أرز أزيد من المطلوب ده تجاوز فى حق مية مصر وصالح شعب مصر".
وقدم الرئيس، الشكر لكل القائمين على مشروع غليون وباقى المشروعات القومية، مضيفًا: "بوجه كلامى لكل المصريين اللى انتو شايفينه واللى هانتكلم فيه خلال الفترة المقبلة خطوة على طريق، ده مش كل الطريق ولا ده هو المستهدف ولا ده الأمل"، مضيفا "المشوار اللى قدامنا طويل ومتأخرين فيه كتير، لأسباب كتير، ومحتاجين نتحرك بوعى وهمة وإخلاص وأمانة أكتر من كده بكتير".
وتابع الرئيس، "المشروع سينتج 25 ألف طن، لكن اللى بيتعمل فيه حاجات متكاملة مع بعضها وليس على قدر المزرعة دى فقط، فقد افتتحنا أكثر من ألف حوض على الضفة الشرقية لقناة السويس، وفى المرحلة الثانية بهذه المنطقة سنستكمل 4 آلاف حوض أسماك، وفى ديسمبر المقبل سنفتح هذه الأحواض، وبالتالى فى شرق قناة السويس سنكون انتهينا من 4 آلاف حوض إضافى، كما نعمل على إنشاء مزرعة عملاقة شرق بورسعيد على 19 ألف فدان.
وقال الرئيس" إحنا مش بنتكلم عن أى مشروع لم يتم افتتاحه، لكننا انهينا حجم ضخم من هذه المزرعة، ووعدتكم فى 30 ويونيو 2018 لازم أكون خلصت اللى وعدتكم بيه ومنها مزرعة شرق بورسعيد وبركة غليون ومزارع هيئة قناة السويس، بالإضافة للبحيرات ".
في سياق متصل قال الرئيس،"تحدثت منذ عامين وأكثر وقلت أننا بحاجة للتحرك كدولة بشكل موازى مع آليات السوق الحرة الموجودة فى مصر، لتخفيف ما أمكن من التكلفة التى يتحملها المصريين، وخاصة محدودى الدخل".
وقال، إن "هناك فجوة موجودة وقدرات أهدرت وساءت مننا على مدار السنوات الماضية، فمثلاً بحيرة المنزلة من عدة بحيرات موجودة فى مصر وعبارة عن بحيرات مغلقة لإنتاج الأسماك إنتاج طبيعى، ولكن الصيد الجائر والتعدى على هذه البحيرات وإلقاء مخلفات الصرف الصحى والصناعى والزراعى عليها أدى لأن فقدنا القدرة الحقيقية على الاستفادة من هذه المزارع".
ورد الرئيس عبد الفتاح السيسى، على مناشدة أحد المواطنين حول ملف غرامات الفلاحين والمزارعين، قائلاً :"الفلاحين والمزارعين أهلي وناسي ، بس لازم تعرفوا أن الأوطان لا تبنني بالخواطر بل بالالتزام والانضباط"، متابعا انتوا تاخدوا منى الطيب والطيب لأني معنديش غير الطيب اديه ليكم.. بس انتوا بقالكم أسبوع بتتكلموا عن سد النهضة وبتقولوا المياه رايحة فين.. طيب هو إحنا ضد إن المزارع يزرع رز فى مصر!!..ولا ننظم حجم المياه المخصصة للزراعة عشان تكفينا".