التعليق الأول لمحمد إمام بعد تخطى إيرادات « جحيم فى الهند» 12 مليون جنيه

يتصدر فيلم «جحيم فى الهند» شباك إيرادات أفلام العيد، منذ عرضه يوم الثلاثاء الماضى فى 74 دور عرض سينمائى، محققأ إيرادات أقتربت من 12 مليون جنيه، وعلق الفنان محمد إمام على نجاح الفيلم عبر حسابه بموقع «فيسبوك»، قائلاً:« إن الله يحب إذا عمل أحدكم عملاً أن يتقنه»، و انا كان معايا ناس مش بس أتقنت عملها دي كمان إجتهدت و عملوا أقصي مجهود عندهم علشان يعملوا فيلم زي ده ، من أول شركة إنتاج محترمة مابخلتش علي الفيلم و راهنت عليا من وقت فيلم ‫«كابتن مصر»‬ و وقفوا في ضهري وورا الفيلمين لحد أخر لحظة، الأستاذ ‫وليد الكردي‬ ، والأستاذة ‫زين الكردي‬ ..المشرفين علي الانتاج الأستاذ المحارب و المغامر بمعني الكلمة البطل ‫أحمد‬ بدوي، و البرنس ‫ياسر الهويدي‬ ، المنتجين المنفذين و فريق الإنتاج ‫أحمد يوسف‬ و ‫أحمد مظهر‬ و عمر‬ سامي و ‫محمد صبري‬، ألذ و أنجح مؤلفين في مصر مصطفي‬ صقر ،و محم عز‬ ..مخرج شاطر و محترم محتاج اكتر من 1000 بوست علشان اتكلم عنه أخويا ‫معتز التوني‬ ، و المساعدين المجتهدين الرجالة ‫محمد حماقي،‬ و حسام سليمان‬.
وتابع، استيلست خلت للفيلم شكل مختلف عن اي فيلم مصري قبل كدة الجميلة ‫ إيناس عبدالله‬ ، مهندس ديكور مبدع لدرجة تخض الجدع حمدعباس‬ ، مدير تصوير عمل صورة جديدة علي السينما المصرية صديق الطفولة ‫مصطفي فهمي‬ ، الكاميرا مان عمر بدراوي‬ و مهندس الصوت أحمد_سمير‬، النجوم ضيوف الشرف اللي شرفونا و نوروا و اضافوا للفيلم ‫مصطفي خاطر‬ و ‫محمد عبد الرحمن‬ و ‫محمد أنور‬ و ويزو‬ و ‫مريم السكري‬ و عمنا كلنا القدير ‫حسن حسني‬ .
و أختتم تعليقه، أخيراً أخواتي و أصدقاء الرحلة ، اللي كان كل واحد فيهم بيفكر لشغل التاني قبل مايفكر لنفسه ، المتألق ‫احمد فتحي، المبدع ‫بيومي فؤاد‬ ، القنبلة ‫حمدي المرغني‬، الكارثة ‫محمد سلام‬ ، العسل ‫طاهر ابو ليلة‬ ، المفاجأه محمد ثروت، والقمر اللي حلت الفيلم ياسمين صبري ، انا بجد باشكركم واحد واحد من كل قلبي علي اللي عملتوه علشان الفيلم ده ، النجاح ده بتاعنا كلنا و كلنا شاركنا فيه، و قبل دول كلهم بأشكر ربنا سبحانه و تعالي علي فضله و نعمته علينا .. الحمدلله».
فيلم«جحيم فى الهند» تدور أحداثه في اطار كوميدي حول توكيل فرقة قوات خاصة لإنقاذ السفير المصري بدولة الهند بعد اختطافه، لكن المفاجأة تحدث حينما يكتشف بطل الفيلم أن من تم استدعاؤهم لهذة المهمة ليسوا فرقة قوات خاصة، بل إحدى فرق العزف الموسيقي.