جنون "السيلفى" يجتاح كوبرى قصر النيل .. فى ثانى أيام عيد الأضحى

"لو سمحت ممكن تصورنا، معلش ممكن تصورنا" عبارات كثيرة كانت تتردد فى الماضى فى محاولات لالتقاط صور بمفردك أو مع أصدقائك فيمكنك إيقاف أحد المارة فى الشارع لكى يقوم بتصويرك، لكن هذا كان قبل ظهور "الصور السيلفى"، أما الآن فاختلف الأمر كثيرًا بعد انتشار "السيلفى"، وهى أحد الطرق الحديثة فى التقاط الصور بنفسك، وانتشرت بكثافة فى الآونة الأخيرة بين الشباب، فأصبح بإمكانك أن تقوم بتصوير نفسك، وكل ما عليك هو أن تقف وتحمل الموبايل بيدك وتلقتط أحلى الصور أنت وأصحابك بدون الحاجة لإيقاف أحد المارة ليقوم بتصويرك.
واجتاحت الصور السيلفى كوبرى قصر النيل وميدان التحرير بجنون، وكانت أسود كوبرى قصر النيل نجوم السيلفى، فبعض المحتفلين بالعيد قاموا بالتصوير مع أسود كوبرى قصر النيل، وكان للدبابات والنصب التذكارى بميدان التحرير نصيب الأسد فى الصور السيلفى والبعض الاخر ألتقطوا الصور السيلفى على كوبرى قصر النيل لكى يظهر النيل فى خلفية الصورة احتفاءً بالطبيعة الساحرة ولتخليد ذكرى احتفالات هذا العام بعيد الأضحى المبارك.
وقال أحد الشباب على كوبرى قصر النيل "إحنا زمان قبل ظهور السيلفى كنا لما نحب نتصور أنا وأصحابى وكلنا نجمع فى صورة واحدة نوقف أى حد فى الشارع فى واحد يسبنا ويمشى وفى اللى كان يفتكرنا مجانين، لكن بعد السيلفى بنتصور فى أى وقت وأى مكان من غير ما نحتاج لحد يصورنا"، مضيفا دلوقتى كمان فى "السيلفى ستيك" عبارة عن عصا بنثبت فيها الموبايل ونتصور وأصبحنا باستخدام الكاميرا الأمامية للموبايل ونستفيد منها بدل مكنش ليها لازمة".