إبراهيم سعيد ل"عمرو ذكي": عشم مات في حادثه

هاجم إبراهيم سعيد، المدير الفني لفريق جولدي، عمرو ذكي لاعب الفريق الأول لكرة القدم بنادي الزمالك السابق، من خلال حوار ذكي أمس الجمعه، مع الإعلامي خالد الغندو، في برنامجه "الكورة في دريم"، أنه لم يفاتحه أحد من نادي جولدي ليكون مساعد ل"سعيد"، وأن مسؤولوا النادي كتبوا هذا الكلام من عندهم، وأنه لايعرف مكان نادي جولدي.
كتب "سعيد" عبر صفحته الشخصية علي موقع التواصل الإجتماعي "تويتر" قائلا: جولدي جنب توشيبا ياعمرو بعد سامسونج علي طول في تاني يمين في اول شمال الدور التاني الشقه اللي في وش الاسانسير.
وأضاف "المدير الفني للفريق" متحورش ياعمرو وانا اللي اتكلمت معاك وقولتلي هفكر وارد عليك والحوار اتقفل بعدها بلاش بقي حوار ملوش لازمه ليه تزعلني منك بس كده.
وأوضح "سعيد" عشان الكلام اللي عمرو قالوا كلموني عشان اعمل مداخله مع الغندور ورفضت.
وشدد "إبراهيم" لما اتكلمت مع عمرو زكي كاخ وصديق ملعب بعشم يعني بس عشم مات في حادثه هيما زعلان.
وختم المدير الفني لجولدي كلامه قائلا: طيب ياكابتن عمرو الحوار ده بقاله شهرين مقولتش ليه الكلام ده قبل كده حتي توضح للناس مش فهمك بصراحه.. خلاص نقفل حوار عمرو زكي عشان انا بحبه.