إسراء عبد الفتاح عن مشروع قناة السويس: "يا رب اجعله فاتحة خير على مصر والمصريين"

علَّقت الناشطة السياسية إسراء عبدالفتاح، على افتتاح مشروع حفر قناة السويس الجديد، وقالت: "يا رب اجعله فاتحة خير على مصر والمصريين".
وأضافت إسراء، في عدة تغريدات متتالية عبر حسابها الشخصي على "تويتر": "افتكروا بس إن أيام مبارك مكنش في حاجة بتفرَّح الشعب ده غير مباريات الكورة.. دلوقتي في مشاريع قومية بتفرَّح المصريين".
كما أشارت إلى أنه "مشروع مبهج ومحترم ويعطي أملًا وسننتظر النتيجة النهائية، ومن اجتهد نصفق له ومَن أساء نحاسبه ومصر فوق الرأس"، وتابعت: "كنا بنتمنى حد يقولنا جدول زمني لأي مشروع في مصر أيام عهد مبارك، دلوقتي عندك جدول زمني، افرح دلوقتي وحاسب وانتقد عند انتهاء المهلة".
وقالت الناشطة السياسية: "الواحد لو شاف حاجة حلوة وقال عليها حلوة يبقي شرب شاي بالياسمين، طيب أنا شربت شاي بالياسمين يا سعاد"، وأردفت: "محدش يقدر يغلب شعب 25 يناير، 30 يونيو، 5 أغسطس.. تحيا مصر".