بعد التشكيك في تحقيق فيلم بحبك مليار جنيه.. تامر حسني لتركي آل الشيخ: نصرتني يا أبو ناصر

نشر الفنان تامر حسني رسالة شكر طويلة للمستشار تركي آل الشيخ، رئيس هيئة الترفيه بالمملكة العربية الشعودية، بعد أن أعلن في المؤتمر الصحفي الذي عقده مساء أمس، أن فيلم "بحبك" حقق إيرادات بالسعودية بلغت مليار جنيه، وهو الرقم الذي أعلنه تامر حسني بطل الفيلم من قبل، وتعرض بسببه لحملة تشكيك وهجوم ضارية.
وكتب تامر في رسالته: "خالص الشكر لمعالي المستشار تركي آل الشيخ، نصرتني يا بو ناصر".
وتابع، "بعيداً طبعاً عن إن الرقم ده بيروح لموزعين الخارج عشان محدش يفتكر إن المنتج أو الأبطال بياخدوا الرقم ده، لأ ده رقم بيتوزع على موزعين الخارج في العالم كله، والفنان له أجر ثابت".
وأكمل، المهم، الكثير كان بيشكك في إيراداتي، وكتير انتقدوا الفيلم قبل ما ينزل، لمجرد أنه تأليفي وإخراجي وموسيقتي التصويرية".
وأكد، "كنت مأجل بوست احتفالي معاكوا بنجاح فيلم بحبك اللي عدا عليه سنتين حتى تعلن الجهة المختصة عن رقمه القياسي، تيجي بقى من أبو ناصر نفسه أمام العالم كله، ليثبت إن كان كلامي صح، وإني مش بقول غير الحق ولا مضطر أقول غير الحق، وطبعاً ده غير إيرادات الفيلم في مصر وباقي دول العالم".
واختتم رسالته قائلا: "كل الشكر للجمهور الطيب الغالي في مصر والسعودية والوطن العربي كله والعالم، شكراً لكل أبطال العمل وصناعه ومنتجينه اللي صدقوني ودايماً في ضهري، شكراً معالي المستشار تركي آل الشيخ، نورت مصر بلدك الثانية، بجد أنا دلوقتي أقدر أحتفل معاكم بنجاح أول فيلم من إخراجي.. الحمدلله".
عرض هذا المنشور على Instagram
‏تمت مشاركة منشور بواسطة ‏Tamer Hosny‏ (@‏tamerhosny‏)‏