فيديو.. كابو الألتراس يعاتب شلبي.. ويؤكد: "قدمنا درسا في التظاهر السلمي"

عاتب أحمد إدريس كابو ألتراس أهلاوي الإعلامي مدحت شلبي على الهواء بسبب رفض الأخير إجراء مداخلة تليفونية معه يوم الثلاثاء.
وقال إدريس لشلبي في برنامج مساء الأنوار: "أنا باعتب عليك علشان أنت رفضت تدخلني معاك في البرنامج امبارح وده اللي زعلني.. وأنت عارف إننا مش بتوع شو إعلامي".
ومن جانبه علق شلبي: "ماحصلش الكلام ده واللي قال لك كده كداب".
ثم قال إدريس: "ياكابتن مدحت أنا اتصلت امبارح بفريق الإعداد بتاع البرنامج ورد علي واحد اسمه بسام وقال لي دقيقتين وهاكلمك وده ماحصلش".
من ناحية أخرى أكد إدريش أن الألتراس قدم درسا اليوم في التظاهر السلمي، مشيرا إلى أنه لم يندس وسط المسيرة أي شخص يهدف إلى التخريب بجانب رفض الرابطة وجود أي شعارات حزبية أو سياسية.
وأبدى كابو الألتراس رفضه للتجاوزات التي صدرت من جانب مجموعة من الرابطة اليوم في إحدى محطات المترو قائلا: "لو أي حد من الجروب غلط لازم نحاسبه".
وتابع: "لازم حق الشهداء يرجع وماسمعناش إن مدير أمن بورسعيد أو المحافظ مثلا تم استجوابهم.. ومش كفاية الإقالة".
اضغط لمشاهدة الفيديو:
*