دكتور خالد الشناوى السعوديه أبها(إبن ميت غمر) وحشنى وش صوت وابور الجاز...وحشنى شرب الشاى م الكبابه القزاز...وحشنى صوت زغروته حلوه عند كل جواز...وحشنى طعم المحشى المطبوخ على الكانون...وحشنى حماية أمى وحرقان عينيا من الصابون...وحشنى كل طرمبه وكل مصليه...وحشنى صوت مكن الرى على الزراعيه...وحشنى زمايلى فى الإبتدائيه...وحصة اللغه العربيه...واللعب فى رمضان للصبحيه...ودعا جدتى فى الفجرية...وصوت المدفع ع المغربيه...وحشنى المذاكره فى الغيطان...وصوت البلابل ع الأغصان...وحشنى ركوب قطر القشاش...وحشنى الزحمه وسط الناس...وحشنى بلدنا كل صباح...وحشنى بسمة الفلاح...وحشنى اللمه فى الأفراح...وحشنى الشرب من نيلك...وحشنى ضى قناديلك...حاجات كتيره وحشانى...كلها بكره وهجيلك...وحشنى كل شىء فيكى...وحشنى سماكى وأراضيكى...وحشنى...وحشنى...وحشنى.