كتب - فرشوطى محمد - دعانى احد امناء حزب الاخوان - ترددت كثيرا - ولكنه أَلِحَّ ، إلحاحًا ،قلت اروح يمكن يشغل دماغه ويفهم بدل ماهو عامل زى العربية الطس .رحب بى - اخذنى بالاحضان - وبالقبلات - وجدته بلا لحيه ولا شارب..... سألنى تشرب ايه - قلت قهوة - قال ماتشرب زنجبيل .. - قلت :بيحرق فى القصبة التنفسية .. قال : خلاص اشرب حلبه - فلت صارخا هو انا حامل يامولانا .. قال : اجبلك بردقوش .. نفخت .. واشعلت سيجارة . قال الم تعلم ان السجائر رجس من عمل الشيطان . قلت خلاص : هات شيشة . قال : انت كمان بدخن شيشة .. الشيشة حرام .. قلت فى نفسي .. النهاردة اسود هو الراجل ده ماسك مفاتيح الجتة والنار . اتسعت عيناه ونظر لى نظرة كأنه يحاول ان يفهم ما يدور بخلدى .ثم تركنى وخرج بعد ان سمعت نقرا على باب المطبخ وجاء بكوب بردقوش .. وضعه امامى وهو يقول - البردقوش مفيد و يعمل على طرد الغازات... وضد التشنج وارتفاع ضغط الشرايين , والارق...قلت : علشان كدا انت بتشربه على طول ولكنى اسمع غازات كريهة تخرج من حجرات البيت . قال ضحكا .. بارك الله فيك انهم زوجاتى . قلت : وكم عددهم ؟ قال ثلاثة قلت : والرابعة امته قال : هو دا الموضوع اللى انا عايزيك فيه قلت : عايزنى اشوفلك عروسة قال : مشاء الله على عقلك - قلت - طيب ما انت كنت فى رابعة كنت اتجوز فى رابعة الرابعة قال : مالحقتش منهم لله كنت خلاص حاتجوز ببلاش تركنى بعد ان سمع نقرتين على الباب .. وجاء بطبق فيه عسل .. وضعه امامى وهو يقول فيه شفاء للناس انه شهد ممزوج بغذاء ملكات النحل انه مفيد لحالات البرود الجنسي. ويؤخر أعراض الشيخوخة. قلت - دا انت محل اعشاب - تعرف نبات اليوهمبي قال ضاحكا :الله يلعنهم بتوع غرب إفريقيا..لقد اصبح مهددة بالانقراض نتيجة استعملهم الجائر لهذا النبات . قلت :وانت زعلان قوي كدا ليه ؟ قال :اليوهيمبي دا مهم جدا واخشي ان لن اجده بعد ذلك انه مقوى ويساعد في علاج قصور الانتصاب، قلت : هو انت مافيش فى دماغك الا الموضوع ده؟ قال : شوف الجزيرة بتقول ايه - وتركنى وخرج بعد ان سمعنا النقرة الثالثة. جلست اشاهد قناة الجزيرة - وجدتها هى الاخري كا لسيارة الطس التى تسير فى اتجاه واحد . عاد الرجل وبيده طبق وقال وهو يضعه امامى ... دا تمر هندى يساعد على طرد الديدان المعوية. قلت : ايه الموضةع بالظبط - احنا عايشين فى مستنقع ... وبعدين قولى .. ايه موضوع النقرة الاولى - والثانية - والثالثة . ضحك وهو يقول . كل زوجة ولها نقرة معينة . الزوجة الاولى لها نقرة واحدة - والثانية نقرتين والثالثة . قلت مقاطعا لها ثلاثة نقرات . قال : بارك الله فيك .... قلت : ولماذا تريد الرايعة ؟ قال: الاولى لعمل المشاريب النبوية - من الاعشاب - والثانية لعمل المشهيات والمقويات ... والثالثة لعمل الفاكهة . قلت ولماذا تريد الرابعة ؟ قال لعمل الطعام قلت يعنى مافيش غداء النهاردة قال : اما تجوزنى الرابعة. للتواصل مع الكاتب https://www.facebook.com/farshoutye
