صعب جدا

إني أفكر فيكي تاني.............بعد ما ضاع الأمل ويا الأماني
بعد ما راح العبير..............من زهور حبك ..يا هاني
هي أوهام بتلاحقني...........ولا قسوة من زماني
ولا لعنة..ولا رحمة...........ولا كاس بيدور ..سقاني
هو بحر ما لوش نهايه........ولا ديه يمكن بداية
حتي لو كانت بدايه..........إيه راح تكون النهايه
وإنت برضه بعيده عني.....والسعاده تفر مني
لو أطول أثبتلك إني...........مش ح أسلم للنهايه
حتي آخر يوم ف عمري........حتي لو ح يخلفوا أمري
مش ح أسلم..يمكن أبكي........وألسواط يمكن تعلم
والبعاد أكتر بيألم...............بس غيرك مش ح أكلم
مش ح يشمت حد فيه.........مش ح أداري دموع عنيه
صعب جدا ..بس أصعب......يوم ما تبقي بعيد عليه
كنت ليكي ..وكنت ليه........بين إديكي ..وبين إديه
لكن الأيام.. خانتنا............كنت بارسم شكل بيتنا
كنت بتمني السعاده..........لكن الأفراح ..فاتتنا
كلمه الآه جوه قلبي.........مين ح يسمع..مين يلبي
آه يا قلبي يا للي صابر....طول حياتك...ليه يا ربي
مستحيل أقدر أداري .....ومستحيل أقدر أخبي
وإنت مش موجوده جنبي...يبقي إيه ذنبك ..وذنبي
لما نبقي بعاد..ونبكي........مين ح يسمع لما نشكي
بالشموع ح نقيد حياتنا.......للدموع نشرب..ونسقي
إمتي تبقي الدنيا حلوه.......إمتي تبقي ليه..سلوي
وأبقي ليكي عمر تاني......والزمان بيقول أغاني
صعب..لأ مش صعب أبدا....طول ما قلبي ليكي صافي
طول ما حبي ليكي وافي.....والقصايد والقوافي ..تبقي ليكي
طول ما أنا جنبك حبيبتي....إطمأني ..ومش تخافي
طول حياتي ح أبقي جنبك....والصعاب ح تهون لحبك
والسما تصفي لعينك...........والقمر يهمس ف ودنك
قلبي ..مش ح يحب غيرك.....ده اتخلق...علشان يحبك
د.هاني بخاري
استشارى الجراحة العامة
شاعر اطباء الإسكندرية