إعلان قصيدة بالعامية المصرية

( إعلان )
باعلِن عن :
إنسان مهموم ..
بالحاصِل في مصر الآن
من هَدم مفاصِل .. وكيان
وضياع لتواصُل .. وأمان
والحَدّ الفاصِل .. مش واصِل
بين ثورة حق .. وبُنيان ..
ساعدوني .. فى نشر الإعلان
ياكلّ مِن حَبّها ..
ماتطعنوش قَلبَها
بكلام عقيم .. مَسموم
ومخطّطات مُقرِفه ..
وفِكر بات مَلغوم
ياناااااااااااس ..
حافظوا على مَصرِنا
خلَوا نهارها يقوم
وتبقى ثوره .. بحق
تعلِن في كل أدان
ياكلّ مصري .. بجد
عايش في أي مكان
مصر عايزه الهِمَم
تحميها م الطوفان
مصر اللي مِن عِشقَها
فاض الكلام .. ب الكوم
مات كااام عشان شمسها
.. تُشرُق
فيه كام ضرير فاكر ..
دَفّتها يوم تِغرَق !
وتاني مِش هاتقوم
لو ده حَصل يبقى
إحنا اللي مِش مِنّها
واحنا علينا اللوم
***